鍾樂偉

仲搵 鍾樂偉 評韓國嘢?嫌被人丙得少?

雖然我叫分析朝鮮半島戰略問題算係準,但我一直唔會以韓國問題專家自居,因為我純粹係戰略觀點去睇件事,加上唔識韓文。我對寫南洋問題,同台灣問題有把握好多,但識韓文都唔代表係專家,好似香港傳媒仲搵 鍾樂偉 ,呢件事令人極度搖頭。

鍾樂偉 憑乜評韓國嘢

首先,我強調評韓國嘢,唔係識韓文就得,識韓文或對K Pop熟,最多有啲文化優勢,但果個人如果本身無戰略底,成件事就實評到炒粉收場,而 鍾樂偉 本身唔係呢家嘢,侵金會涉及係戰略問題,如果本身係無軍事根柢,至少係韓國或台灣軍訓出身,我係直接叫果條友早抖,因為韓國問題根本係一個軍事戰略問題,包括習近平搞到變攝石人,都係一個軍事問題,如果唔係有軍事考量,你叫中國明知會蝕錢都借Air China架747,咪玩喇。

但 鍾樂偉 更大問題係,佢一直未回應韓半島新聞平台嘅楊虔豪嘅抄襲指控,如果 鍾樂偉 唔係學者,都算,咪好似盧思達咁玩賴皮,反正左膠同熱普城嘅面皮厚度都係萬里長城級。依家 鍾樂偉 係學術人嚟,如果 鍾樂偉 對佢嘅抄襲行為可以視而不見,其實大家可以去信佢任教嘅院校要求解釋,唔係講玩,喺西方國家, 鍾樂偉 嘅抄襲行為,一早被僱主炒咗十世,兼且喺學術界永不超生,喺學術界,抄襲係死罪,絕對不可饒恕。

所以我完全唔明蘋果日報請 鍾樂偉 嚟評侵金會把鬼,呢件事實被台灣、香港等地嘅學術界人士恥笑,我諗識講香港語嘅韓國研究學者,唔會得 鍾樂偉 一個囉,香港每年都有唔少人去韓國讀書,當然,香港評論界最大弱點係缺乏軍事根柢,但未至於要搵嚟搵去都係搵 鍾樂偉 嘛,仲要鍾生個底花成咁,而且一個唔係軍事底嘅人亂評呢啲近乎軍事和談嘅嘢,好容易誤導公眾,屆時真係我地呢啲研究戰略嘅人,要講到口水乾都唔得掂,煩都煩到抽晒筋。

我呢篇文會 Tag 韓半島新聞平台,其實韓半島新聞平台嘅楊虔豪,都有為台灣蘋果日報寫稿,雖然佢係台灣人,但台灣一直喺研究韓國方面,特別政治方面係好過香港,甚至嚴格嚟講,應該搵譯《南北韓,統一必亡》嘅朱立熙嚟評論比較啱數。香港啲傳媒人做研究真係⋯⋯

發表迴響

你的電子郵件位址並不會被公開。 必要欄位標記為 *