Facebook-病毒-min

中國五毛出怪招阻人喺 Facebook Post 嘢

由於我個戶口已經係歐盟做基礎(EU IP, EU Mobile, EU Bank Account, EU VAT ID),所以五毛無辦法用惡意舉報嚟郁我個 Facebook ,但你估班五毛唔敢用 Facebook 官方途徑,就郁唔到我,依家我睇未必,大家瀏覽網站果陣務必小心。

Facebook 奇怪機制被人濫用

大家留意一吓呢個畫面,呢個畫面一度令我改用後備管理系統出post

Facebook-病毒-min
Facebook-病毒-min

有 Malware 聲稱要保護你,所以唔俾你出post,我唔知邏輯喺邊,但我Logout晒所有 Facebook device咁滯,都係搞唔掂,最後,我喺Safari Cookies嘅清單裡面,發現唔少中國網站暗中落藥,我一炮過delete晒啲垃圾資料,之後就可以正常出番post。如果我唔係有一定技術基礎,我諗搞咗幾日,都唔會搞得掂呢個問題。可以見到,中國黑客用啲招數,係越嚟越仆街。

我中咗有問題嘅網站,應該同我追殺俄國同中國嘅spammer有關,以及我近排用DMCA Notice清理咗一堆五毛,有人懷恨在心,所以果啲隱藏嘅病毒site就發作,我相信 Facebook 大中華方面,已經唔多方便再同五毛以至中國政府合作,至少唔方便搞我個戶口,又知今日梁天琦判刑,以及未來一個禮拜都有好多大事會發生,所以就用埋呢啲狗招數。我會要求Facebook提供更多技術數據,解釋吓呢件事嘅來龍去脈,以及邊條友放毒,特別係邊個網站,呢啲網站係一定要執咗佢。

但我亦都呼籲,大家唔好亂咁click中國網站,我就話因為保安緣故,都難免要用Browser鏟除啲垃圾(依家每日近百個spammer,好多係俄佬同中國人租非洲IP做,原來一帶一路係用咁嘅,正仆街)。如果你因各種原因,被迫要click中國網站,好可能你click完之後要清晒啲網站資料同Cookie,以免突然間有事發生,你個 Facebook 或其他嘢癱瘓,死咗都唔知乜嘢事。都係果句,中國人用嘅手段只會越嚟越賤格。

發表迴響

你的電子郵件位址並不會被公開。 必要欄位標記為 *