梁天琦-安華-min

梁天琦 案根本係不公裁決

梁天琦 案終於判刑,判六年,引用成堆七十年代英國案例本來已經係亂嚟,《公安條例》亦根本係違反人權,否則彭定康唔會破天荒評論裁決。但彭寶琴根本係唔適合判 梁天琦 案,呢個判決唔係收柯打判都係個人偏見亂判,呢啲法官,我真係只能講一句,抵佢死老公。

梁天琦 案主審法官有嚴重利益衝突

根據《蘋果日報》喺5月18日提供背景資料

亡夫歐陽國基生前為水警總區總部(行政)警司,2016年底疑因隱性心臟病突發在鯉景灣住所猝死,彭當時身在外地,由歐陽的水警同袍登門揭發事故。

如果呢單案唔係警民衝突,我未必會咁質疑,但2016年11月佢老公暴斃死,魚蛋革命喺發生喺佢老公死之前,加上彭寶琴自己本身係律政司檢控官出身,我絕對有理由質疑佢喺魚蛋革命呢單案本身嘅公正性,係唔係摻雜大量個人偏見濫用刑法,報仇咁報仇,依家咪解得明,點解彭寶琴要考慮判刑,要連果啲陪審員無法商議達致有效裁決嘅案情都考慮埋,明知有國安人員人喺法院影相威嚇陪審員都要照落判決,佢自己係警察家屬就無資格判案,一如劉正佢老婆係差婆就唔該社運議題同我收聲,呢個標準,我對評論人係咁睇,我對法官更加係咁睇,我唔鍾意喺個龍門下面加個轆就再摩打移嚟移去。公義係必須彰顯,而且係睇得到,但依家係公義擺明車馬不被彰顯,除咗一句抵佢死老公,我真係無辦法講第二啲嘢。

所以 梁天琦 案話俾大家聽一個現實,香港司法獨立已經玩完,所以黃台仰選擇流亡海外係啱,我諗 梁天琦 呢方面真係太英國紳士,低估咗共產黨嘅無賴程度去到乜嘢位。

梁天琦 判決係不公,呢個係肯定,但有啲人仲要落井下石,就同政權幫凶無異,一班係青山城邦派班友,有人想去歐洲搵黃台仰出嚟,呢種行為除咗中共走狗,我睇唔到係第二個理由,依家黃台仰嘅安全係最大考慮,因為中共一定意圖喺歐洲收買投共華人去對付黃台仰。所以青山城邦派嘅友仔,我依家持極大保留態度。

跟住如果仲有啲泛民中人,話 梁天琦 係受共產黨指使,我想問呢啲人仲有無基本是非之心,呢啲人仲叫泛民,我呸。

One thought on “梁天琦 案根本係不公裁決

  1. 唔駛投共華人, 我相信香港駐倫敦或者柏林ETO 果班友仔都會有份搞黃台仰, 所以香港經貿辦應該早執早著.

發表迴響

你的電子郵件位址並不會被公開。 必要欄位標記為 *