B-2447-min

B-2447 借金正恩:可能係侷租

侵金會金正恩係坐中國國航嘅飛機去,只不過係坐中國國航 B-2447 去,呢架李克強專機,喺平日天下太平時間,都係要攞去做民航生意賺錢,所以無習近平專機果種架勢,即係有齊一切做國家領導人出訪應有規格。呢個好可能係一單唔令中國尷尬嘅商業生意。

B-2447 好可能係唔駛中途加油咁解

大家要了解金正恩坐乜機嚟,可能有乜嘢角力。

金正恩果架殘廢機,係唔可能安全越過中國領空(載貨或隨從無問題,但載金正恩本人就無人孭呢隻飛),係中國都侷佢喺福州中途檢查或加油,屆時又要見習近平,真係想佢做攝石人,咁就侷租一架中國國航嘅飛機,當然相信中國將規格由平常民航機改為領導人專機果陣,應該會加料,但加料嘅話,最多金正恩粒聲都唔出。

而對中國嚟講,都係侷租 B-2447 俾金正恩,如果中國同北韓反晒面,搞到係大韓民國借出總統專機,或者新加坡情商汶萊皇室借出佢架747-400專機果陣,件事十分之膠,金正恩可以連中國領空都唔飛,擺明反檯,我諗中國都唔想連呢張牌都打出嚟,所以 B-2447 呢個方案,對雙方嚟講都係侷租。 B-2447 嘅內部,一定無金正恩要用開啲嘢,真係最多俾金正恩可以喺架機度休息吓。而中國就保留面子,反正依家李克強都無事要飛去外國訪問或開會,依家又係旅遊淡季,中國國航抽架機又唔會賺少啲錢,因為我好懷疑北韓會唔會就呢架機相關嘅錢銀交易找數。大家記住,喺樟宜機場升降費用,入大馬、越南同新加坡領空嘅錢,全部都係中國俾,相反,如果全部由高麗航空執行,中國可以唔駛無喇喇孭呢啲雜費,真係為咗自己個面,未見官先見八十大板。

B-2447 呢架機,其實俾到大家更多金正恩同中國關係嘅答案, Trump 夠薑話 One Shot 就係迫金正恩唔好三心兩意,如果呢次突然有南韓總統專機飛去新加坡,我認為都唔出奇,有可能《新加坡條約》名垂青史。大家記住,南韓總統長期問Korean Air租一架747-400,隨時候命,可能大家睇Flightradar24睇發生乜事實際啲。

發表迴響

你的電子郵件位址並不會被公開。 必要欄位標記為 *