人民幣-中期借貸便利-min

人民幣 啲貨幣基礎開始亂咁嚟

人民幣 一向嘅貨幣基礎係有問題,否則唔會有咁多中國人走去走資,只不過,啲嘢未浮面,香港人都未知個死字點寫。但依家中國人民銀行亂嚟到,連果啲中國企業嘅AA級債都可以攞去做中期借貸便利抵押品果陣, 人民幣 嘅價值我唔知邊個石頭爆出嚟,堅係要支爆臨近。

人民幣 奇怪貨幣基礎

首先,要解一解乜叫中期借貸便利,簡單講,就係商業銀行可以攞國債、或者AAA級嘅商業債去做抵押,問人民銀行借錢放數,呢個係其中一個印銀紙手段,因為所謂印銀紙,唔只係一張張現鈔,亦可以透過銀行系統,加大貨幣供應,然後達致同等效果。以前中期借貸便利嘅做法,攞國債或AAA級商業債做抵押,都係合情合理嘅做法,果啲抵押品做基礎「發行」嘅人民幣,都係有穩健嘅價值,但依家亂嚟到,乜嘢AA級企業債,小微企債、綠色債,狗屎垃圾都可以攞去俾銀行借錢放數,不如直接由人民銀行放數算喇。呢個係製造咗一堆由有風險資產做基礎嘅人民幣,係會影響國際市場信心,甚至引發人民幣拋售潮。

大家用個腦簡單諗吓就明,依家有間地方企業,盤數化妝到好靚,AA級債,跟住間企業用自己公司債券做抵押,問銀行借錢,銀行再攞債券向人民銀行抵押借錢放數,中間賺息,跟住間地方企業執咗,老闆走佬去美國,然後留低一堆爛帳無人找,問題嚟,咁果啲抵押品點算,人民銀行自己食咗啲損失,定問銀行call loan,問銀行call loan,就銀行有危機,人民銀行自己食咗損失佢,就結果印咗堆無資產擔保下印出嚟嘅人民幣周街走,咁人民幣幣值係會出大事。中國唔係美國,美國有天字第一嘅經濟,以及佢個全球稅務系統,甚至美軍擔保佢啲國債,以及美金價值,而且美國自己都keep住唔少黃金,美金唔係金本位,但係有一定黃金擔保係事實。人民幣有乜?隨時搞到各國央行拋鬼晒儲備裡面啲人民幣,或搞到Special Drawing Right嘅價值大亂,屆時真係唔支爆就有鬼。

依家人民銀行咁玩法,你覺得唔會支爆,你仲揸住人民幣,咁我祝閣下好運。

One thought on “人民幣 啲貨幣基礎開始亂咁嚟

  1. 有某宗教報刊登開人民幣的真正匯率,是1美元 = 19.77元人民幣,因為M2超發,計算如下.
    美國:
    GDP=19.36萬億美元
    M2=13.92萬億美元
    每萬億GDP對應的M2:13.92/19.36,即0.719萬億美元
    按美國標準,中國應發行M2:
    12.24×0.719=8.8萬億美元 (因以前是看自己有幾多美元才發幾多人仔)
    實際發行173.99萬億人民幣,如果相當於8.8萬億美元的話,即:
    173.99/8.8=19.77
    其實什麼是世界工廠?這個口號是那些人吹出來?是班globalists,即全球一體化支持者,役即班左膠,把世界地方分成這是for生產,這是for農業,無錯理想是好的,但他們分不清楚全球不是真正的一體化,有些做農業的地方的人說為何我要一世做奴隸?這思潮同馬克斯一樣害人不淺,實際上也是馬克斯的變異,大隊化公社化,也騙了不少國家.如歐洲的移民問題,中國的產品也不見得好,最後淪為斑左膠爭位奪權上位求做官的手段,看美國的NGO或環保組織人仕,同香港泛民個個希望做劉光華一樣.

發表迴響

你的電子郵件位址並不會被公開。 必要欄位標記為 *