戰狼2-習近平

戰狼2 呢啲垃圾一早要禁咗佢

戰狼2 呢套片,應該係中國近年喺抗日神片以外,打飛機打得最離譜嘅電影,打到中國護照同美國護照一樣咁勁,如果係咁,陳啟宗、周融呢啲仆街一早放棄咗西方國家護照。依家呢套曾受中國官方狂捧嘅電影,被習近平出手對付,點解?

戰狼2 與中國皇道派

基本上,依家中國走嘅軍國主義道路,同二次大戰爆發前嘅德國同日本好鬼似,所以對 戰狼2 呢啲過激派產物之所以被對付,都可以參考長刀之夜,以至帝都不祥事件呢類事件。而 戰狼2 嘅玩法,其實係助長類似皇道派嘅過激分子奪取權力,呢個係一定威脅習近平,習近平為防呢類皇道派再起,所以先下手為強,清理 戰狼2 、紅海行動一類香港人都有份搞出嚟嘅狗屎垃圾。特別依家中國根本無力向世界各國宣戰,北韓宗主權問題,搞到習近平苦苦哀求金正恩,大家就明係點嘅一回事。如果習近平唔想中國版皇道派興起,搞到中國版嘅帝都不祥事件,就一定要依家清理 戰犯2 一類嘅電影,以及背後嘅洗黑錢集團,因此,我相信吳京呢鋪都好大鑊吓。

照習近平呢個清算邏輯,你估香港愛黨力班土共有無好日子過?我恐怕佢地死咗,泛民都未必會死,因為香港土共呢班過激班,有部分大家見到都係同一樣不受控制,係明明習近平都要借支聯會過橋,都要高調搞屎搞尿果啲仆街,所以清算得 戰狼2 以及紅海行動相關嘅香港電影人,唔爭在清理埋呢啲失咗控嘅五毛黨。所以我相信 戰狼2 同紅海行動清理咗後,下一步隨時係要清理環球時報呢類垃圾,另一類,愛黨力收工男一類嘅仆街,都可能會清理,如果唔係由得呢班友騎劫習近平,屎係佢地搞,又要習生食屎,你估習生制咩?

有時候,鞋油呢家嘢唔可以落得太多,中國人應照鏡睇吓世界發生乜事。當然,習近平清理咗 戰狼2 都唔代表佢係坐得穩,因為唔排除有啲唔識趣嘅友仔搞軍事政變,屆時中國未出去打人,已經搞到內戰收場。中國人如果咁都唔醒,仲有唔少人沉醉喺 戰狼2 果個唔存在嘅中國,中國應該好快搞出另一次八國聯軍之役出嚟,屆時點只支爆,係支碎,碎到一地都係,無人識收科。

發表迴響

你的電子郵件位址並不會被公開。 必要欄位標記為 *