藐視法庭-min-唐琳玲

港府有無實質行動追 唐琳玲 數?

唐琳玲 呢個大鬧香港法院,真係藐視法庭嘅國安人員,喺記者睇到實嘅情況下,都居然仲想入境香港,依家特區政府見到風頭火勢,梗係唔敢放佢入嚟,所以拒絕佢入境,相信唔少香港人擔心佢又靜雞雞可以放佢入嚟,所以呢單嘢,係一定要睇到實。

唐琳玲 條數幾時追?

但有件事係更實質,就係 唐琳玲 爭香港人嘅天價堂費,依家係點。如果 唐琳玲 係俾咗堂費,咁唔該特區政府律政司司長交代一吓堂費來源,係 唐琳玲 本人找數,定係有人代佢找數,如果係有人代佢找數,就更加可以肯定呢個 唐琳玲 根本係中共嘅情報人員,以後如果佢一出現喺香港,都要立即通報傳媒,甚至保持距離,因為你根本唔知佢係執行緊乜嘢柯打,咁就大件事。

如果 唐琳玲 未找數,咁唔該律政司司長解釋吓,依家 唐琳玲 筆數要點搞,其實如果 唐琳玲 曾經意圖進入香港,香港入境處人員應該係一併向佢發出通知,要求佢繳付果筆堂費,而唔少就算不了了之,否則就對中國人喺法庭搗亂嘅行為一啲阻嚇作用都無,一旦有其他具爭議性案件作聆訊,除非禁止中國人旁聽,否則一定有同類事件發生,亦證明律政司司長係有心包庇呢啲鬧劇接二連三發生。

而有件事,立法會議員係應該做嘢,只不過我對香港泛民班廢柴一啲信心都無,就係追究另一單喺法庭影相果個中國人嘅身份,警方無理由就咁不了了之。同埋,仲有一個人係必須檢控,如果律政司唔作出檢控,根本係於理不合,果個就係何君堯律師喺法院影相案,佢係執業律師,知法犯法,罪加一等,律政司司長檢控,即係土共大晒,律政司根本只係中共嘅專政工具,咁唔該執咗佢,亦無資格繼續告佔旺班友刑事藐視法庭,講藐視法庭,夠 唐琳玲 同何君堯兩件仆街?政府有真嘅藐視法庭唔處理,走去攞呢條罪作為打壓人民嘅工具,呢個行為本身都已經係藐視法庭嘅行為,大家話係唔係?

香港呢啲荒謬事情,真係多到數唔晒,但如果你明知事情荒謬,都仲覺得香港同英治年代一樣咁正常嘅話,我諗唔正常果個係你,唔係我,只有一啲唔正常嘅人,至會咁樣逆來順受,而一啲知覺都無。

2 thoughts on “港府有無實質行動追 唐琳玲 數?

  1. 我都估到,今天你遣返她上大陸,實際上不是遣返而是深圳三日遊不是回她祖家浙江,只是過去過吓冷河,到風聲不太緊時又用回她那張過了期的香港身份證再次入境(只是政府同傳媒說過期無人知真實情況).她可以同你說你不比我入境我如何renew我張身份證呀!即所謂的跳出跳入,跳入她又不比堂費,跳出我又可以回避作為香港人要受到法律制裁的責任,所以我由開始時都說解放軍比錢了事, 又不是比不起錢,些錢入了庫房最後又不是借回比中資機構或買回人民幣債券.可以住3千元一晚的酒店,可以有香港身份證,報假口供,假地址及棄保潛逃,同官對罵.(如果可以同法官對罵的我做律師的朋友第日會很開心).忍了你班狗官很久了.她有能力囂張,她會是什麼人?

  2. 這也是大陸人對香港的花花世界的留戀,無論如何我死也要死番落來呀,深圳不好住嗎?深圳的GDP以超越香港了又現代化又用支付寶了,為何不留在深圳呢?深圳是CHINA!如你在庭上說”YOU ARE CHINESE”!大家同聲同氣不好嗎?又是身體最誠實.

發表迴響

你的電子郵件位址並不會被公開。 必要欄位標記為 *