中國人民志願軍-min

中國人民志願軍 復活係會膠嘅

喺侵金會之前,有一個好膠嘅觀點,環球時報提咗出嚟,就係當時中國有份簽停戰協議。當然,依家 中國人民志願軍 已經係事實上不存在,以依家習近平為咗保住北韓宗主權,核突到要去福州幫金正恩加油呢件事嚟睇, 中國人民志願軍 「復活」應該係有可能,但呢件事係會膠。如果你班友唔知當年毛澤東玩乜膠,就唔好亂咁嚟,否則會膠到無朋友。

中國人民志願軍 係玩膠產品

大家都知,喺中國共產黨治下係無民間組織,只不過喺1950年9月15日果陣,麥克亞瑟仁川登陸,二次大戰後罕有嘅一次賭X行動,麥帥賭贏咗,跟住佢心雄,打到接近鴨綠江,當時中國有無民間組織,美國知條鐵咩,所以中華人民共和國為免同美國宣戰前提下,整隊 中國人民志願軍 嘅怪物出嚟,志願兩個字,係毛澤東諗,就係要撇清責任,當然當時毛澤東順便送果啲國共內戰俘獲嘅戰俘去做炮灰,所以果啲有幸被美軍或大韓民國國軍俘虜嘅 中國人民志願軍 ,絕大部分都係要求去台灣,亦都係咁解。 中國人民志願軍 根本係立心玩膠嘅產品嚟,亦都係大家共識。

如果學俄國咁喺敘利亞玩膠,整間華格納保安公司(Wagner Security),打正旗號用僱傭兵做生意,都少少,依家 中國人民志願軍 一早無咗,你突然攞番塊招牌出嚟,就算搵退役軍官做都無人信你喇,變相係中華人民共和國會同美國正式開戰,呢件事就出事,亦破壞晒毛澤東當初玩膠嘅如意算盤。中國人玩膠唔識玩又學人玩,俄國就話一早有豐富玩膠同派膠經驗啫,中國對膠呢家嘢,識條鐵咩。

所以都係果句,金正恩要投向美國,依家只有由得佢投向美國,除非中國依家出兵北韓,但中國依家出兵北韓嘅結果,好可能就係中美直接衝突,根本玩唔起,所以習近平至改咗名做蕭亮,做攝石人咁都要去福州會金正恩。 中國人民志願軍 復活呢啲係正宗屎橋,行唔通,一係就長期維持 中國人民志願軍 嘅辦公室,並且由退役將領管理,咁仲好少少,但依家唔可能喇。我喺2010年一早喺新加坡報紙勸中國以奧地利模式解決北韓問題,班友唔聽,依家咪膠咗囉,唔讀西史學人搞軍事,搞條毛就有。

One thought on “中國人民志願軍 復活係會膠嘅

發表迴響

你的電子郵件位址並不會被公開。 必要欄位標記為 *