水塘

水塘 旅遊:倫敦人妻先生你無嘢嘛

最近香港有單奇聞,有班大媽竟然喺香港主要 水塘 萬宜水庫游水,依家未知班大媽確實係乜國籍,游水果幾件大媽係抵鬧,政府應該儘快檢控有關人等。只不過,有個作者,啲心態同啲大媽一樣,想搞 水塘 旅遊,仲夠薑寫出嚟,呢啲作者真係唔鬧到佢執笠都唔得,呢個人就係真名卓澄,五毛公司主席,筆者倫敦人妻先生條仆街。

水塘 旅遊?你無嘢嘛

喺6月2日《蘋地》,卓澄呢件五毛,竟然公開話搞乜嘢 水塘 旅遊,證明 水塘 有價值,呢啲乜嘢黐線言論嚟,附和想填咗船灣淡水湖,免得阻住梁振英發展郊野公園邪惡大計嘅友仔呀,果然係好一件五毛公司主席。依家香港點解咁多郊野公園,因為要保護集水區嘅安全,特別係防止水質受到污染,呢件事係十分之重要。否則搞出乜傳染病,邊個孭飛。

新加坡有極少部分水塘可以玩艇仔,但主要係最古老兼好細果個MacRitchie Reservoir(因為佢本身係古跡),同埋Marina Reservoir(因為根本係將新加坡所有河道嘅河口封鬼咗佢搞出嚟嘅水塘,同埋佢本身係海水化淡廠大計一部分),係可以有少量喺艇上進行嘅水上活動,其餘 水塘 ,少數可以釣魚(幾個),大部分,乜都唔准做,游水係絕對禁止,唔駛講。你同我講 水塘 旅遊?新加坡地方已經夠晒細,海水化淡廠差唔多係全世界做得最好其中一個(另一個已經係以色列),都係要好小心處理 水塘 安全問題,根本唔係點搞 水塘 旅遊,你卓澄想搞 水塘 旅遊,你依家條友想點?仲學人講慳水喎,定係收咗唔知乜柯打,所以至寫埋啲奇談怪論。

我個人絕對反對喺 水塘 上面搞乜旅遊,發展物業呢啲嘢更加唔可以。就算有海水化淡廠,都唔可以隨便亂郁水塘,新加坡直頭將新加坡河、加冷河、同一堆運河變埋水塘嘅一部分,如果唔係新加坡地方太細,但水資源太唔安全,我估佢地都未必要搞到封咗新加坡河口,喺市區搞 水塘 呢啲黐線嘢(你諗吓維港變水塘係點),所以我唔明點解仲有人搵 卓澄 呢啲五毛阿頭出書寫嘢,除非又係中聯辦班友搞,否則我諗唔到其他解釋。仲要6月2日出文,6月7日就有人喺網上話有大媽喺萬宜水庫游水,大家諗吓乜事喇。

2 thoughts on “水塘 旅遊:倫敦人妻先生你無嘢嘛

  1. 1. 筆「名」倫敦人妻先生

    2. 水塘唔適宜大搞旅遊,最大問題唔係因為一般水質污染(老實講你痾篤尿落去,同雀仔痾篤屎都冇太大分別,只要數目唔係太多,大自然+水廠會處理到),而係怕人落毒。

    水塘游水就更加匪夷所思,因為水塘唔係泳池,個底可以好斜好危險,班友浸死左變浮屍就唔荒唔污染水源。

  2. 生果報大媽游水張相有啲伏,可能被人改圖,前頭位大媽舉手似陸上影,後面嗰位重有背囊落咗一半水,裡面實濕晒,不過有時常理都要擺埋一邊。

發表迴響

你的電子郵件位址並不會被公開。 必要欄位標記為 *