六四-本土

追捕 六四 劊子手比乜嘢紀念集會更重要

對於一個住喺德國嘅人,越嚟越覺得支聯會根本上係失職,由追究一九八九年 六四 屠城責任呢個角度嚟睇。如果真係要追究屠城責任,其實依家支聯會都可以做,只不過,支聯會班友做唔做咁解。而德國對二次大戰果啲屠夫嘅態度,就好值得參考。

六四 劊子手嘅名單邊度有

華人有一個好大嘅問題,就係無諗過有效咁將啲檔案搞好,到依家,南京大屠殺,除咗日日新聞果啲百人斬外,涉及邊啲前線軍官,點樣殺法,都無仔細無遺交代清楚,連主要屠夫都無追捕過,學乜人抽南京大屠殺水,返去早抖,同樣,解放軍喺北京大屠殺,參與啲軍官,果啲名係有名有姓,應該全部諗辦法編好,邊啲人仔女喺西方國家,或本人喺西方國家,就攞資料去質問,甚至如果果位軍官本人喺西方國家,根本可以攞證據要求拉佢,告佢喺1989年6月3日至6月7日期間於北京干犯人類罪行,或謀殺罪,呢啲嘢支聯會應該搵人去做,我相信有人願意去捐錢做呢啲事,但好不幸,支聯會一直存在喺用嚟做大中華膠嘅政治工具,無其他,所以我覺得1989年嘅死者死得好慘。

好多納粹屠夫已經成九十歲以上,德國聯邦檢察官仍然會開file檢控呢啲友仔,話知佢幾多歲,最近開始檢控果啲Einsatzgruppen嘅無差別行刑隊嘅謀殺犯罪,2011年前,德國檢控納粹屠夫嘅標準好高,要去到真係親手開槍殺人,或送人入毒氣室至叫有罪,但依家係協助,或你嘅行為導致有人死亡,唔一定同某特定人士死亡有關,都可以攞去檢控,而德國政府依家趁呢啲人渣未死,就送晒啲file去告,無錯,因為年紀太大,未必可以完成聆訊,或者判咗有罪都最多喺醫院囚禁,唔係真係喺監獄度,只不過,呢個至少係伸張公義,真係追究屠殺責任,所以我覺得支聯會好削,亦都係呢個緣故。

我希望一九八九年果年嘅屠夫,最終無法喺中國法庭受檢控都好,至少喺西方國家嘅法院檢控,甚至被判有罪,當年年青嘅下士,應該大概喺五十歲左右,唔少升咗做大官,應該係時候受到應有嘅制裁。當年指揮果啲人渣,都應該喺晚年受到應該嘅檢控。

3 thoughts on “追捕 六四 劊子手比乜嘢紀念集會更重要

發表迴響

你的電子郵件位址並不會被公開。 必要欄位標記為 *