流感-狗肉-min

防止 流感 :禁食狗肉

廣西最近發現 流感 病毒大洗牌,可以由豬或狗傳 流感 到人身上。對於共產黨官僚嘅邏輯,一定乘機俾藉口狂打流浪狗,甚至有人養嘅狗,依家出現病毒大洗牌果度係廣西,好明顯,中國應該係禁止食狗肉呢種習慣,否則我睇中國又出現 流感 大流行,中國自己死傷慘重固然係報應,但害到其他國家呢樣嘢,我覺得係罪無可恕。

流感 病毒豬狗皆有明顯係農民所為

唔計食狗肉呢種事文唔文明,狗本來唔係應該俾班友喺惡劣環境下養然後食用,中國人養豬、養狗、養雞都可以搞成 流感 溫床,講嚟講去,就係中國農場嘅運作唔人道兼唔乾淨,至搞出呢啲事出嚟。歐洲我住嘅城市人人餵鴨、餵鵝甚至鴿,點解都唔會搞到 流感 大流行,講嚟講去,都係農業嘅問題,中國人搞農業係點搞,大家心中有數,啲病毒專家係無辦法直斥其非,因為一旦直斥其非,以中國政府野蠻態度,係連研究都做唔到,死嘅人仲多。呢啲嘢,有住過吓歐洲,其實好容易睇到問題嘅真正根源。

點解係豬、狗、人病毒洗牌,其實用邏輯係一解解得通,就係養狗做狗肉嘅農場,同養豬做豬肉嘅農場,都係同一批嚟,一如點解禽流感會搞到人身上,你估真係野雀搞出嚟,根本係中國人連養雞都唔乾淨,結果香港新界啲雞場要陪葬,喺德國,係河邊嘅鴨、鵝都有跟蹤,十分之清楚,而德國養雞鴨嘅農場嘅乾淨,就更加唔駛講。

所以依家避免再一進 流感 病毒大洗牌嘅方法,係中國禁止食狗肉,所以狗肉農場同食肆全數取締,而唔係走去捉流浪狗去殺。甚至世界衛生組織應該有共識,就係一律禁止成員國食用狗肉,或進行狗肉貿易,當然好明顯首當其衝,係幾個有悠久食狗肉傳統而完全唔檢討嘅國家,即係中國、南北韓、越南,但既然有咁明顯嘅科學證據,但應該為公眾利益,締立一份國際化嘅禁止狗肉公約,唔可以再令 流感 大流行,而情況好可能係失控收場。

當然,雖然要捍衛言論自由,但有部分反對打疫苗嘅奇談怪論,都應該以公眾行動加以清理,好似素人父母呢啲友仔,如果再發表類似言論,真的絕對唔可以放過,否則都堅係死得人多。

發表迴響

你的電子郵件位址並不會被公開。 必要欄位標記為 *