facebook-seo

Facebook 暗中交咗幾多資料俾老共

Facebook 呢間公司真係一開始已經係慣咗不擇手段,依家至爆出原來早喺2007年,就同華為、聯想簽咗資料共享協議,依家未知有無中興通訊份,如果係咁嘅話, Facebook 都係一間極度信唔過嘅公司,有秩序咁移去其他平台,或者將你個 Facebook 戶口歐盟化(即係因歐盟公民身份,而改受Facebook Ireland Limited以GDPR方式處理資料),可以係保護自己嘅重要一步。

Facebook 究竟仲share咗乜資料出街

呢次表面上出事,係同啲App有關,如果你用華為、聯想啲手機,並用手機內置嘅Facebook App上Facebook,咁華為同聯想就可以透過Facebook API攞到你啲資料,咁就會出事。當然,明知中國政府出古惑,仲用中國牌子啲手機,呢個行為本身就唔值得可憐,但係,依家無人知Facebook仲share咗幾多資料俾中國政府,特別係近排啲舉報五毛難度大增,而五毛可以透過舉報部分人嘅page去壓低人地個Reach(所以大家記得設Page follow係First Look)。所以Mark Zuckerberg呢個人,基本上係不可信任嘅。依家用Facebook,一係用Web based版本,一係就係用iOS或Android官方版,但係iOS版可能要記得將你個Apple ID搬離中國,以免受到雲上貴州果件事所影響,因為Tim Cook嘅骨頭,唔見得硬得過Mark Zuckerberg好多。

所以我開Telegram Channel有原因,某程度上,Telegram嘅老闆骨頭夠硬,普京咁出茅招都唔肯交出條encryption key出嚟,呢啲就係真漢子。對於一啲敢於反英美,不敢反中俄嘅左膠,你一定要對呢啲人保持警惕,因為呢啲友仔,唔係傻嘅,就係貪嘅,都唔慌係乜嘢正人君子嚟。講邪惡呢家嘢,幾時都係中俄邪惡過英美多多聲,我唔敢話英美無做衰嘢,但中俄做嘅衰嘢,一定係英美兩國嘅好多好多倍囉。大家可以開始移去 https://t.me/martinoei 果度。

發表迴響

你的電子郵件位址並不會被公開。 必要欄位標記為 *