Jeremy Corbyn-min

Jeremy Corbyn 係唔係白痴嚟

英國好多政客都係白痴,我一向都唔質疑,只不過,工黨黨魁 Jeremy Corbyn 嘅白痴程度,應該係英國政壇數一數二,充分反映左膠嘅智商。由 Jeremy Corbyn 竟然認為,可以唔駛入EEA,而保留同歐洲自由市場嘅地位,就可以睇出嚟。佢嘅不切實際程度,唔會輸俾保守黨嘅英奸Rees-Mogg。

Jeremy Corbyn 根本唔了解歐洲立場

歐洲立場一直好硬,係你要入歐洲共同市場,就必須入EEA,或者好似瑞士咁接受Freedom of Movement,咁樣至得,但對BREXITER嚟講,保留Freedom of Movement等於無BREXIT過,根本唔會收貨。因為歐洲嘅自由市場,不單齋係貨,仲包括埋勞動市場嘅自由開放,所以至有居歐權呢家嘢,至令唔係歐盟成員嘅國家,包括埋瑞士在內,如果要玩同一個custom union,就一定係包freedom of movement,即係所謂居歐權,依家你揸本BC, BNO或葡國護照,你連瑞士都可以住,當然瑞士生活費咁高,除非你堅搵到工,否則大部分人都唔會無端端入去瑞士住咁解。

正由於歐洲對自由市場了解,係人貨服務都係自由流動,所以 Jeremy Corbyn 講果樣嘢實現機會係零,所以英國依家最悲哀係,明知BREXIT係白痴嚟,都無辦法透過大選去㩒停呢件事,一方面,照依家英國嘅人口結構,可能大選結果都唔會有大變,但另一方面,智商正常嘅英國人,根本唔敢投工黨,由 Jeremy Corbyn 做首相,後果慘過BREXIT,就算BREXIT失敗,如果 Jeremy Corbyn 做首相,相信好多英國人都會claim另一個歐盟國家國籍算數,因為大家都可以好肯定, Jeremy Corbyn 呢件左膠製造大災難,一如依家泛民有時選舉會被希師奶呢啲仆街玩,多謝成班左膠,你見到班左膠,你敢投泛民?

所以我係保守黨黨員都係,我都想 Jeremy Corbyn 快啲消失於英國政壇,呢舊垃圾簡直阻礙英國嘅正常運作,做反對派領袖做到咁,不如執咗佢。

發表迴響

你的電子郵件位址並不會被公開。 必要欄位標記為 *