金正恩

環球時報發爛渣:中國有能力阻止 金正恩 棄國?

喺 金正恩 確認同特朗普喺新加坡會面,甚至有傳可能喺新加坡宣布韓戰技術上結束後,環球時報立即發爛渣,就係話無中國簽字,朝鮮半島所有停戰協議都係技術上無效。中國可以喺法理上咁講,但中國咁講係好大鑊,我勸環球時報班老左諗清楚。

金正恩 棄國對中國有利

首先,現時嘅韓戰停戰協議,係以中國人民志願軍名義簽署,而唔係中華人民共和國政府,當時中美都接受呢種權宜安排,因為避免美國同中華人民共和國正式宣戰嘅問題,依家只不過係美國同一班中國「志願者」簽停火協議,而中國人民志願軍依家已經無代表喺北韓,而中國人民志願軍基本上係唔存在,所以實際上,係中國人民志願軍未正式停戰,不過你會唔會當依家只喺意大利剩番座大廈做領土嘅馬耳他騎士團,或者條頓騎士團(無錯,普魯士嘅前身,依家騎士團仲存在)係一個軍事組織,咪玩喇。依家環球時報嘅講法,即係認咗中國人民志願軍即為中國人民解放軍,雖然係實際上嘅事實,咁就大件事,技術上美國同中國係喺交戰狀態,屆時Trump想點玩你都得,Trump有一種玩法律膠嘅傾向,例如自己Pardon自己呢啲膠嘢都諗過,同侵總統以及 金正恩 玩膠,你中國唔會有著數。

同埋如果中國咁撕破 金正恩 棄國協議,係唔係中國諗住好似當年希特拉喺意大利王國嘅玩法先,揮軍進入北韓。如果係咁,美國有絕對理由以保護北韓為理由同中國開戰,而北韓如果係掟核彈,就算掟核戰喺新義州,或者天津對出海面,都夠你中國想死有餘。當年希特拉揮軍佔領北意大利,當時德國仲有實力,同埋有保住阿爾卑斯山屏障嘅考量,但依家中國有叉實力,同埋中國隨時喺呢次不義嘅朝鮮戰爭中輸晒輿論同軍事力量,仲要韓國人民將會恨足中國一世,因為好明顯依家搞到韓國分裂嘅元凶係中國,而唔係美國,屆時有個咁嘅世仇擺喺北京附近,堅係中國唔分裂都要遷都至搞得掂,否則防務上真係唔知可以點搞落去嘞。

所以環球時報發爛渣,都唔代表中國有能力阻止 金正恩 棄國,除非呢幾日中國出兵北韓,但係嘅話,即係堅支爆,咁就堅玩完。

發表迴響

你的電子郵件位址並不會被公開。 必要欄位標記為 *