梁耀忠

無膽匪類 梁耀忠

其實本來喺維園燭光晚會講結束一黨專政,都唔係乜嘢有吉士行為,只不過有件仆街,係只能用仆街嚟形容佢,竟然連上台嗌結束一黨專政都唔夠膽,仲夠種繼續做支聯會常委,果條友正係香港民主政治嘅千古罪人,香港現任議會之父 梁耀忠 。

梁耀忠 貪戀個議席到可以做漢奸

其實除咗啲土共,或者張曉明、梁振英呢啲冚家鏟,其實無乜人認真看待支聯會諸公喺維園度嗌結束一黨專政,否則佢班友唔係一早組織武力革命殺上深圳河以北,就係學猶太人咁送晒啲有份屠城嘅解放軍軍官入監獄,呢啲就叫堅做嘢。依家 梁耀忠 點解咁怕嗌結束一黨專政,怕嗌完然後有人DQ你個議席,貪戀個議席到呢個程度,仲好意思學人做泛民,甚至支聯會常委,你條友返去早抖,都仲未計佢做議會之父期間失職,令梁君彥可以擔任立法會主席,如果佢一早DQ咗梁君彥呢件仆街,游蕙禎駛坐監,講句難聽啲,呢條友本來已經係千古罪人級人物,依家仲要無膽成咁,我真係驚條友關鍵時刻走去投共,呢條友不如下屆趕佢出支聯會算吧,免得眼冤。

其實點解年青人咁唔妥支聯會,因為呢班友又要講建設民主中國,但承擔不足,恥笑人坐監就有份。依家既然鏟支聯會內部啲仆街,順便鏟多件蔡佳洋,支聯會青年組新晉冚家拎,係一睇就知冚家拎果隻。當游蕙禎連上訴都費時,直接開始服刑坐一個月果陣,阿蔡佳洋夠膽喺Facebook留HAHA嘅Smiley,當然仲有一眾花生台嘅垃圾參與其中,仲有啲花生台跟陶君行搵食嘅垃圾有份抹黑梁天琦,係坐咗監後嘅梁天琦,呢啲友仔,真係一件都唔可以放過,內鬥內行,外鬥外行,呢啲民主運動負累係要優先處理,而且呢啲人好大機會腐敗成劉江華第二,因為呢啲人根本無為民主而坐監或犧牲嘅覺悟,呢啲友仔投身民主運動,根本係唔知做乜春。

泛民內部政棍一啲都唔少, 梁耀忠 係無膽匪類,蔡佳洋都差唔多,香港眾志果個所謂訪問,簡直暴露呢班友真係靈魂已經敗壞,已經學埋HKG報果啲仆街嘢,香港政界真係諸神之黃昏嚟,牛鬼蛇神當道,我自己真係無眼睇。

發表迴響

你的電子郵件位址並不會被公開。 必要欄位標記為 *