藐視法庭-min-唐琳玲

唐琳玲 呢啲叫假重判真放生

唐琳玲 藐視法庭案呢單鬧劇,去到尾聲,表面上係重判,入獄七日,兼且要俾廿萬懲罰性堂費,只不過, 唐琳玲 又話佢逾期居留,而又啱啱刑滿出獄,所以即時遣返中國,呢啲假重判,真放生呢家嘢係最為仆街一件事,特別比較過游蕙禎即時入獄後尤其係。

唐琳玲 案無理由判咁輕

呢單嘢雖然無黃陽午藐視法庭案咁過份,涉及恐嚇法官,只不過 唐琳玲 喺法院嘅搗亂行為對法院嘅破壞,係有過之而無不及,所以公眾期望至少判一個月監禁至有阻嚇作用。呢點都算,更過份係,喺 唐琳玲 嘅香港身份證喺石頭邊度爆出嚟,大家都問緊果陣,就突然話身份證過期兼簽證過期,然後匆匆離開香港,仲要果廿萬所謂罰款,根本擺明係追唔番,乜咁都得,咪當公眾傻至得,呢啲就係典型嘅假重判,真放生嘅例子,所以呢次 唐琳玲 案嘅判決,唔會有人滿意,因為 唐琳玲 所受嘅懲罰,同佢對香港法律系統破壞唔相符,而依家你想叫香港尊重司法制度都幾難,因為法官嘅判決同行為十分之匪夷所思,完全唔似維護司法公正嘅應有做法。

好嘞,依家如果法院或律政司想挽回公眾信任應該點做,我覺得至少要攞番何君堯案作檢控,無理由 唐琳玲 要判監七日,兼且要繳付懲罰性堂費,而何君堯條友一啲事都無,呢個做法係完全不公不正,我相信 唐琳玲 本人都未必服氣,更何況普羅香港市民,所以大家應該再向律政司司長要求檢控何君堯,何君堯身為執業律師,佢喺香港唔係執葉嘅,無理由唔知道法庭係唔影得相,影相呢樣嘢就係藐視法庭嘅行為,否則佢個律師牌大家就會問由邊個石頭爆出嚟,定係由淘寶網淘返嚟,結果就係對香港司法界尊嚴嘅持續破壞,呢個都十分之明顯。仲未計另一件喺法庭影相嘅茂利,香港警察幾時至肯採取行動捉人。

正所謂面係人地俾,假係自己丟,呢件鬧劇要真係收科,係十分之睇法院會唔會做番應份嘅話,今日係十分之多新聞發生,多到我都一時三刻評唔切嘅地步,因為好多都係十分之離譜同重要,但 唐琳玲 案同游蕙禎案嘅判決,係離譜之最,要香港人相信番法院都唔係一件咁容易做得到嘅事嚟。

2 thoughts on “唐琳玲 呢啲叫假重判真放生

  1. 真是不明白有香港身份證即是香港人,為何遣返大陸?身份證有過期的嗎?我姊美國人,回港時拿著60’年代的香港身份證入境,關員很奇怪但依然給她入境,叫她去入境處再換過新的,你拿HK證入境;即是claim你是HK人.要受到HK法律的規範.為何返大陸?她又不是大陸人?還要走數19萬!陶傑在節目上都有評論.所以我上次同你說食吓花生看看特衰政府用什麼方法去應變?果然是做到好樣衰,低B人當家,圓滑D的手法都無.HK多垃圾同泛民一樣,全是垃圾.

  2. 這個唐小姐能在法庭及法律面前這樣囂張視法律及法官如無物,因為她知道後台夠硬;自己一定能夠脫身,即untouchable,而事實上役都證明是如此.花柳台還說她不是國安,這台又幫中共轉移視線,如不是國寶;那有人有這樣能力?看看大6無後台D人點死法?還有小販的打劫的都可以在法庭(學習),為何專拍政治事件,你花柳台想同她說話也不合纙緝啦,當HK人是大6人一樣個個都是傻的只聽你的不合理分析!而香港政府也做得太核突了,你要她坐一星期囚又有什麼所謂?或叫她罸款了事,整件事便好好睇睇平熄了.

發表迴響

你的電子郵件位址並不會被公開。 必要欄位標記為 *