熊日-香港政策法-min

一件澳門人令 香港政策法 玩完

今年美國提到香港拒絕交俾美國嘅逃犯身份越嚟越清楚,係叫熊日嘅澳門人,呢條友幫中國偷機械人技術,不單令 香港政策法 玩完,呢條友隨時亦令澳門政策法一齊玩完,齊齊共享做中國人嘅榮耀。澳門同香港兩地政府領導人賣乾淨個屎忽俾北京,係會累街坊。

香港政策法 同澳門政策法一齊玩完

呢個叫熊日嘅澳門人,唔係一般嘅賊,佢係一個hacker,偷走美國一間公司嘅知識產權,而呢條友,由點樣得到澳門身份證,到點解香港政府唔肯交人俾美國都係一個謎,好明顯係澳門同香港都收咗柯打,要保住呢條友,或俾呢條友享有澳門或香港身份,呢啲好明顯係濫用澳門同香港過往受美國嘅優待,你覺得Trump唔會諗計郁你香港同澳門,無乜可能囉。所以 香港政策法 同澳門政策法,好大機會係同一時間玩完,無邊個俾邊個快啲,因為依家好明顯,香港同澳門嘅所謂特首,都只不過係中國嘅扯線公仔,都唔會根據聯合聲明同基本法嚟做嘢,亦唔會尊重美國俾嘅優待,所以美國佬根本一啲都唔會同你客氣。

當然,美國喺香港嘅利益比較多,加上香港喺民主路上比較勇,所以可能係保留 香港政策法 ,不過係可能行咗《香港民主及人權法案》果個版本嘅 香港政策法 先,其實都同取消 香港政策法 差唔幾,只不過至少香港搞民主嘅人,有一線生機,澳門可能係另一個情況,反正唔少澳門人都有葡國護照,就直頭成個澳門政策法取消算數,澳門人越聽話,美國佬嘅回應就越凶狠,係美國人未計清楚賭場點搞,只不過呢樣嘢,特朗普本人十分在行,在行過國務卿本身,特朗普自己識計數,如果澳門有人邀請特朗普家族喺澳門興建一間特朗普賭場,或者成件事死得無咁甘嘅。

香港人應該為 香港政策法 取消做好準備,而如果啲投共人士仲想送子女去美國讀書,我估好快就關上大門,美國佬都唔係傻,成棚香港中上階層去美國讀書,但走去做共產黨走狗,你估美國人仲會養你班養唔熟嘅仆街,呢啲仆街我都識唔少,我留名食花生美國佬點樣認真對付呢啲,受美國佬教育但走去做共產黨走狗嘅仆街。美國人退還八國聯軍嘅賠款,俾中國人辦教育,簡直係歷史上錯誤決定之一。

One thought on “一件澳門人令 香港政策法 玩完

發表迴響

你的電子郵件位址並不會被公開。 必要欄位標記為 *