大灣區-min

大灣區 玩完?

梁振英果條仆街,呢排係咁sell 大灣區 概念,佢一定以為收到中央政府乜嘢風,但依家南華早報指,可能受貿易戰影響,成個 大灣區 計劃推遲到七月或八月公布,但我更加相信, 大灣區 呢檔嘢最後係不了了之收場,因為根本成壇嘢都唔知做乜,亦可能令香港銀行系統不穩,被人狙擊咗死咗都唔知乜嘢事。

大灣區 成個計劃都唔知做緊乜

大灣區 係一個唔知自己做緊乜嘅計劃,如果係抄美國矽谷,所以灣區概念,美國嘅Bay Area呢個概念,根本唔係美國政府規劃出嚟,美國嘅Bay Area係一段時間長期產生嘅產物。所以 大灣區 依家只係兩樣嘢,一方面方便炒珠三角已經爛晒嘅樓市,昆香港人倒錢入去,另一方面,可以扮晒平抑香港嘅樓價,因為香港會有人搬過去,否則梁振英同馬屎坑兩條仆街狂sell嚟做乜?

但中美貿易戰時勢最唔同地方係,香港嘅貨幣同金融系統係狙擊唔起,呢個係中國唯一仲操之在手嘅出氣口,如果香港銀行系統出大事,甚至樓價崩潰,就成個中國都跳海,屆時不單係堅支爆,仲要係硬支爆,大把啲錢未走嘅官都會死得好慘。所以依家Trump咁玩法,中國嘅資金流好大機會係一條負數嘅話,咁就唔多掂嘞,所以呢個意圖將香港人搬過去嘅珠三角嘅 大灣區 計劃,依家話要推遲,但實際上,可能只係俾廣東省部分官員可以甩咗身(讓領導先走嘛),然後Trump玩到中國半殘果陣,就用外圍因素為理由剎停件事。相信,只會有更多資金開始離開香港,或準備經香港離開,所以呢個背景下, 大灣區 有得玩就出奇。

中國有好多打飛機人士,向香港人催眠 大灣區 甚至前海前景一片美好,呢啲友仔梗係唔記得咗,香港人都多少記得計劃經濟啲仆街嘢,叫啲廢老將錢掟落鹹水海就無乜所謂,但堅要自己真金白銀去投資就發夢都無咁早嘞。相反,梁振英有無喺 大灣區 項目自己預先圈地,諗住有水搵,呢個我相信中紀委都好想知呢件事,呢啲行為喺現今之世,絕對係死罪一條嚟。我依家反而想知,梁振英呢個所謂 大灣區 推手,最後會係乜嘢下場,係破產定係被中紀委拉,一定係一早去咗英國以為自己甩到身。

One thought on “大灣區 玩完?

  1. 如你所說大灣區的目的是因為太多空置單位,想叫港人買吸收的餘購買力.(班香港炒家好應該上去炒樓,貨源充足但他們又怕死),由深圳的前海,寶安,惠州,南沙,中山,江門,起了幾多新樓,但無人買,以前都有班北面來的移民購買,他們落不到香港但廣東省近香港的城市都殺,但近期由北面來的很多是無錢的或工薪一群何來購買力?而且有錢要來的一批以來了,買了不止一個單位了,再買浪費所以叫港人買一小時生活圈?為了創造GDP而起很多樓,而起了D樓無論買不買出都可以重按比銀行套現,這是他不想樓市崩潰的原因,銀行太多貨一些全不值錢的東西.以香港的炒高樓價模式來炒高社會經濟是行不通,因香港是小型經濟体地方小困在一地方,相反大陸地方大,人口找工作要到處流動.沒有一處永久居住的地方.所謂好的不學學走捷徑的結果,大量空置單位無人買.叫D愛國人仕去買,佛山最旺地段有香港某建築公司物業,想做酒店現在咪續掉空.

發表迴響

你的電子郵件位址並不會被公開。 必要欄位標記為 *