亞視-min

亞視 點解又要閂水喉

亞視 好似喪屍咁,你以為佢死咗,點知佢未死,但依家又傳 亞視 要早過江澤民死多次, 亞視 以吳雨駛大咗為理由炒咗佢,當然,吳雨駛大咗只不過係藉口,真正嘅理由,應該係中國再度水緊,跟住 亞視 後面嘅金主無水,咁 亞視 又要死次至搞得掂。

亞視 復活都係為洗錢

雖然啲人講到OTT電視係潮流咁,但 亞視 個朵一早臭到無朋友,點可能會喺 OTT 年代可以用Netflix鬥先得,所以 亞視 之所以復活,仲要有公司可以改名做亞洲電視控股,講嚟講去,都係一個洗錢用工具,王征用完咪俾第二個,只要有一啲神秘資金, 亞視 就可以復活,一路生存,反之,只要果啲錢一停,間公司就會玩完,而依家吳雨係代罪羔羊都係咁解,當然,吳雨呢啲一早過晒氣嘅過期電視人,晨早應該退休, 亞視 搵佢出嚟搞網絡電視根本係笑話嚟,吳雨應該知道,佢過去兩年嘅任務已經完咗,佢出嚟呻有乜用,怪就怪佢自己根本唔識判斷政治形勢,你收得呢啲咁嘅錢,就要預咗呢啲咁嘅下場,呢個就係佢真正要被人踢走嘅理由。

而依家 亞視 突然又死過,應該同支爆有關係,大家都知,中國經濟係靠死撐,特朗普都係睇到呢點至敢打貿易戰,而依家中國自己開始無錢嘅時候,就要收緊到一啲維穩項目,或者洗錢項目嘅資金供應,所以 亞視 要閂水喉,根本係好正常,依家咁多個維穩或洗錢項目中,最無效益嘅,都應該係亞視呢件喪屍,一個個朵被人搞到臭晒嘅喪屍,仲有幾多剩餘價值至得,明知啲錢會掟入鹹水海,唔知去咗乜人手上,點解唔撥落去第二啲可能對黨官更有好處嘅項目上面?

所以,如果你發現香港有啲親共或維穩傳媒突然水緊,一啲都唔奇怪,因為無錢,否則高鐵李慧琼條港奸,點會咁強調一些承建商claim港鐵,迫人要接受割地兩檢,講嚟講去,又係中國無水,要攞香港人啲水去救中國,而 亞視 呢個喪屍突然又話病危,就係一個幾明顯嘅中國再度水緊兼支爆越嚟越近嘅先兆。如果侵金會成功,中國再被美國同盟國夾緊啲,可能大家有機會睇到 亞視 又死過,但無咗中共,亞視可唔可以永恆,我覺得答案都好明顯吓。

發表迴響

你的電子郵件位址並不會被公開。 必要欄位標記為 *