六四 - 悼念

星期日休息: 六四 殺人有理論與法西斯

六四 係一塊照妖鏡,而支持中共嘅人言論中,最能突顯佢地邪惡本質,就如果當年唔殺一批人,中國唔會有今日繁榮乜乜物物,我見一個講呢啲理論嘅仆街,都一律係當成法西斯或納粹分子處理,因為呢種言論嘅本質,根本係反人類分子。而華人社會,係有好多自以為好醒嘅納粹分子潛藏其中,呢個係必須喺討論 六四 呢個機會根除嘅問題。

六四 點發展都唔應該殺人收場

喺人類歷史上,唔係未出現過一啲要非常時期非常處理嘅情況,英國歷史試過兩次,一次係克倫威爾護國公,佢果啲殘暴統治大家都公認唔係人咁品,另一次係新加坡同馬來西亞需要進行冷藏行動(Operation Coldstore),好多人仲係無法認同冷藏行動。但好多人讀歷史都清楚,克倫威爾係抵抗保皇派要搞政教合一,而克倫威爾明顯係lesser evil,而南洋馬共根本係中國支持下嘅恐怖分子,冷藏行動實際上已經相當文明,如果去到文革發癲都未搞掂嘅,大家睇1967年香港枉死幾多人咪明囉。

只不過1989年北京果班只不過係手無寸鐵嘅平民,你用坦克車對付手無寸鐵嘅平民,你同納粹黨有乜分別?依家英國嘅檔案顯示,1989年果場屠殺根本係無差別射擊,無差別射擊呢樣嘢係目無軍紀,納粹黨衛軍至做得出,所以我果啲幫一九八九年大屠殺辯護嘅人,一切可以當納粹黨處理,亦都係咁解。好多左膠都口口聲聲好憎納粹,但喺1989年問題上,我未見過一個香港人,好似我嘅講法,就係法西斯。法西斯呢個講法,無論學運領袖周鋒鎖,到左到好姚雪垠等都係一致,呢個係合符事實同邏輯嘅定論,而且跨越民族同國族認同。所以果啲話殺人有理果啲,除咗係法西斯,我睇唔到第二樣嘢,邊個香港土共講殺人有理,就直接話佢地係納粹走狗就得,一啲都唔駛客氣。

所以我對所謂建設民主中國論好有保留,華人社會有好多勝利球迷,呢班本質上係法西斯嘅人,一旦當權無經過「去納粹化」程序嘅話,民主根本係危險,所以我寧願中國分裂,暫時亦只有中國分裂呢招行得通,因為無大國會蠢到願意佔領中國呢個膠國,並且幫佢執手尾。就算係意大利,盟軍都無佔領意大利,只不過係喪失若干城市嘅主權,大家明白意大利係因膠而變法西斯,就你明佔領人地國家仲要幫佢手尾呢種行為,背後都要有好偉大嘅理想至得。如果我係英國領袖,係絕對唔會同意任何佔領中國方案,因為呢舊膠足以可以令文明倒退,你因此就明點解仲未有外星人入侵地球。

我明好多本土派都好憎支聯會果種建設民主中國論,我都好憎,但係本土派同港獨派係唔可以喺 六四 上缺席,因為抵抗一個納粹法西斯政權,就係要求獨立嘅最佳理由,呢個亦係國際社會公認日後如果要求獨立有根有據嘅理由。而 六四 正係中國政府同土共係一班納粹法西斯垃圾嘅證據,係證明佢地係納粹法西斯,好多抵抗行為都會變得有根有據,所以唔係支聯會舉辦嘅 六四 集會,只要唔係熱普城搞,都應該支持,都係呢個道理。要向國際社會說明,依家香港喺一班法西斯手上,國際社會至可能將香港劃入同台灣、東突厥、西藏一樣嘅情況,支持日後香港嘅離開。

大家可以留意一樣嘢,依家中國喺東突厥同西藏嘅鎮壓手法,同法西斯一樣,而香港遲早步其後塵,你睇楊潤雄同蔡若蓮兩件人渣嘅所作所為就明,而國際社會對 六四 呢件事係有好清晰睇法,因為果次北京做太法西斯,戈爾巴喬夫根本無法喺東歐用過往蘇聯軍隊對華沙公約國嘅做法,呢個亦令1989年後東歐共產國家全部瓦解,亦有今日嘅歐盟東部地區。要國際社會了解香港嘅處理, 六四 始終係一個好重要嘅策略工具,本土派同獨派無理由讓呢件事嘅主導權,交俾香港眾志呢班又左又膠嘅蠢才,你話係唔係?

唔好用中國人角度去睇 六四 ,將 六四 擺番喺國際歷史嘅座標上面,你就明有啲人話本土派唔應該悼念 六四 ,當中提出相關理論嘅人,有可能係中共嘅奸細,因為策略上太有問題。 六四 死難者無論如何都要悼念,一如二次大戰被屠殺嘅猶太人,甚至中華民國國民,呢方面我係十分之邏輯清晰。但唔好俾 六四 由一啲民族主義硬膠騎劫,呢個至係真正嘅問題,亦係大家真正要留意嘅焦點。

One thought on “星期日休息: 六四 殺人有理論與法西斯

發表迴響

你的電子郵件位址並不會被公開。 必要欄位標記為 *