李卓人-六四-min

李卓人 膠夠未

李卓人 近排忽然活躍,咁係嘅,因為據傳佢係劉小麗嘅Plan B ,只不過佢又大中華膠上身,鬧香港年青人同六四切割,又唔反省自己有幾唔民主,唔好話去六四晚會, 李卓人 想學人做Plan B?我嘅結論係叫佢返去早抖吧。

李卓人 根本大中華膠上身

李卓人 嘅言論,其實同好多大中華膠嘅作為一樣,就係迫人國籍或國家認同係中國,只不過佢地唔係好似中共咁人渣,手持國家機器咁解,如果佢地手持國家機器,我十分之懷疑,佢地同中共有無分別。

國籍或國家認同呢家嘢,其實係無得迫,因為呢個涉及多年以嚟生活積聚嘅愛與恨,而過去十年中國喺香港嘅仆街管治,以及中國人對香港嘅態度,基本上,你只能將1989年北京大屠殺講成猶太大屠殺同類嘅反人類事件(當年北京人反而係正確描述,直接鬧開槍屠城班友係法西斯),咁樣仲話可以團結到大多數人去悼念,你依家 李卓人 仲係想借1989年嘅亡魂,作為一次大中華膠綑綁年青人洗腦事件,你條友無嘢嘛,你自己同幫燭光晚會倒米,根本一啲分別都無。

李卓人 鬧年青人之前,你應該反思一吓,中國人呢個國籍,呢個民族,近果十年犯咗乜錯誤,搞到香港年青一代怨恨至此,甚至我覺得依家嘅火藥味,仲衰過1965年Singapore is out之前,接近1947年228事件嘅級別。如果支聯會係一個大中華膠機構,作為一個仲有良知嘅大中華膠,就應該反思成個民族出咗乜問題,並且承認錯誤,否則只會越嚟越多人憎爆你們。

近排有線中國組林建誠嘅訪問,其實再度印證咗一點,越了解中國嘅人,越討厭中國,往往佢地對中國基層老百姓帶有極大嘅同情,有啲嘢,當你發現問題唔係純粹政權仆街,而係成個國族出咗事果陣,你就會自然再見中國,我係經歷過呢個過程嘅人,所以我至質疑 李卓人 究竟要膠到何年何月,如果 李卓人 真心係想為當年嘅冤魂昭雪,唔該唔好再膠,屌票係唔會幫到任何人,而依家呢班大中華膠,只不過係港獨嘅助燃劑,如果話乜人有份推廣港獨,我只能講,呢班蠢材一定係重要一員,一如港獨最大嘅推手,其實係中共一樣。

發表迴響

你的電子郵件位址並不會被公開。 必要欄位標記為 *