網絡保安-min

網絡保安 與點解會多咗人用Medium

我其實搞個member網絡都七七八八,如果要穩定收入,唔好大依賴廣告,member網站係必要,只不過, 網絡保安 問題係我一直要加強stress test嘅關鍵,大家睇吓打一個小小嘅五毛,都會Cloudflare攔截到嘅入侵增加唔少,就知乜事。

網絡保安 一定要搞好

喺昨日歐洲時間兩點左右,我出咗文質疑倫敦人妻先生喺唐琳玲案轉移視線,出咗後三個鐘,Cloudflare攔截到blocked hotlink嘅威脅大增唔少,出現以下嘅graph

網絡保安-min
網絡保安-min

講真,我已經係一個好善用Cloudflare嘅人,如果無Cloudflare擋住啲牛鬼蛇神,我真係唔慌得閒自己搞網站。平日嘅威脅,每個鐘唔計ssh brutal force login,都係廿幾個左右,最多咪係班俄國佬想玩Wordpress spam comment injection。但依家係突然大量blocked hotlink出現,究竟有人想玩緊啲乜咁,我真心想知發生緊乜事。

呢個亦係點解我對啲親共五毛,一件都唔會放過嘅原因,我唔知係巧合,定係有人想玩 hacking,我只係知道,我架構喺美國,我人喺德國,佢玩hacking,我相信佢係玩唔起,依家世界對中國啲hacker捉得好緊。但如果 網絡保安 搞唔好,係好難提供好嘅內容,雖然成個架構都做得七七八八,但好明顯,有人係覺得方丈可以被挑戰,仲以為自己喺香港,可以用埋啲唔見得光嘅方法搞風搞雨。

呢個亦係我相信香港部分作者,會投向Medium嘅原因,因為Medium對啲無技術根柢嘅作者,係好安全嘅一個收費平台,我亦係member網站推出前,部分文會擺喺Medium嘅原因(可以去https://medium.com/@martinoei follow我),因為佢可以節省我部分嘅功夫,而每月五美金本身唔係貴嘅。但我都會呢個月推出member.martinoei.com,因為我唔想齋靠一個平台,Facebook作惡嘅經驗教訓已經好夠,擁有自己嘅平台,同多元網站政策,係同等重要嘅一件事嚟,唔可以馬虎了事。

發表迴響

你的電子郵件位址並不會被公開。 必要欄位標記為 *