brexit

BREXIT ?愛爾蘭邊境問題係破功關鍵

BREXIT 去到依家都唔知會行乜方案,好正常,因為除咗Rees-Mogg一類嘅柒頭,無人認為愛爾蘭邊境問題係有得解。依家傳出嘅解決方案係,俾北愛留喺歐盟,設立「緩衝區」。呢個方案去 BREXIT ,最終一大堆技術問題,係行唔通。索羅斯提出嘅再公投,已經係唯一有效嘅方案。

BREXIT 同愛爾蘭邊境問題嘅衝突

BREXIT 呢個問題,用正常智商都知愛爾蘭邊境問題本身已經解決唔到,呢點,我一早講咗,依家其實所謂愛爾蘭邊境問題解決方案,都係無解答我去年十二月提出嘅一堆膠問題,呢啲膠問題,涉及北愛、蘇格蘭、倫敦大部分民眾堅持留歐,以及英國國籍法複雜程度嘅問題,都未講貨物流向嘅問題,無錯,北愛可能成為一個兩面逢迎嘅地方,問題係Border over Irish Sea係會令親英派反彈,結果係會破壞Good Friday Agreement嘅精神。而整多個英國國籍,係會令Home Office hang機,因為 Home Office 根本無能力處理呢個問題,更何況有權claim留歐嘅英國人,由居歐行咗2004/38/EC權利嘅BNO,到直布羅陀人,到喺歐洲嘅英國公民,到想保留同歐洲做生意能力嘅蘇格蘭人同倫敦人,成份亂七八糟,根本唔知點搞。Home Office搞Windrush已經好唔得閒。

所以我睇法係, BREXIT 呢場現實上做唔到嘅鬧劇應該結束,Rees-Mogg呢啲友仔提唔出方案就唔該收聲,或者接受MI5調查,查吓呢啲人係唔係俄奸,因為依家 BREXIT 大混亂,我睇到唯一嘅真正得益者係普京,我睇唔到英國人喺呢個技術上做唔到嘅事上面,享有任何實際嘅好處。而依家Rees-Mogg係用一個有問題嘅公投結束騎劫國家同政黨,佢係為自己,唔係為國家,佢只不過係英國版House of Cards出現果啲仆街。而一場新公投,用公投結果推翻公投結果,係唯一可以阻止呢場大亂局嘅方法,至少 BREXIT 支持者,無乜理由咁樣都輸打贏要,否則佢地同中國共產黨人,根本係一啲分別都無。

發表迴響

你的電子郵件位址並不會被公開。 必要欄位標記為 *