道具銀紙-min

道具銀紙 本為政府財路:政府真傻定扮懵

樹大招風管有 道具銀紙 變管有偽鈔一案,公眾十分之憤怒,當然以陳德霖果種官僚而傲慢作風,佢對公眾不滿係唔在乎。其實 道具銀紙 呢單案,不單係政治迫害,甚至係消滅香港本土文化嘅陰謀,而且政府根本可以喺 道具銀紙 「發行權」度搵到錢,但金管局唔知點解唔做。

道具銀紙 「發行」 收費就得

喺歐洲,周圍都有紙質同真嘅歐羅一樣,防偽特徵用晒同真銀紙一模一樣嘅紀念0歐羅(唯一唔同係,喺照銀紙機,佢唔會照到係真鈔出嚟,故意嘅),德國DDR博物館出咗張係有東德國徽嘅,跟住馬克思個家鄉(喺德國西部),就有張有馬克思個像嘅,如果照香港邏輯,一早拉咗呢啲地方政府同博物館,唔係囉,因為歐洲央行係有套程序,俾各地博物館同地方政府申請發行呢啲零面值銀紙去賣,歐洲有一堆collector去儲,而呢啲係唔少博物館甚至地方政府嘅收入嚟,而發行呢啲銀紙,係要經歐洲央行審批,咁審批程序中收嘅費用,自然就會搵到錢。

其實件事好簡單,中國果啲練功券,係應該取締,淘寶果啲賣練功券嘅鋪頭係應該執晒佢,果啲就真係擾亂金融秩序,電影界直頭問金管局買批道具銀紙算,減省官僚程序,而且保證合法,我相信價錢合理,而且係用真銀紙同一套嘢印出嚟,唔少電影公司會買。如果唔明套邏輯點玩,就唔該叫陳德霖向歐洲央行班友請教,佢地好有經驗。

甚至喺推廣旅遊業角度,香港有部分景點,可以直頭學德國同法國嘅做法,出自己嘅零面值紀念鈔,你估唔會有啲collector專登嚟香港玩,就係買呢啲紀念鈔,德國係有人為0歐羅鈔票,故意去啲景點,因為0歐羅鈔票好多時,印完一批或兩批就換另一款,呢啲同集郵差唔多,但集郵喺郵票越嚟越少嘅情況下,開始少人玩,但呢啲0歐羅紀念鈔,我估香港有排都未去到無現金社會,照依家香港銀行果啲茂利做嘢嘅手法,以及金管局辦事咁不力,全世界好多地方跨行轉帳都唔收charge,你香港仲夠薑收貴到爆廠嘅charge。依家金管局呢班友,連 道具銀紙 都唔批,呢啲就係官僚兼唔做實事。

2 thoughts on “道具銀紙 本為政府財路:政府真傻定扮懵

發表迴響

你的電子郵件位址並不會被公開。 必要欄位標記為 *