樹大招風-min

樹大招風 偽鈔案:荒謬絕倫政治判決

雖然我係一個有啲法律知識嘅人,但我依家對香港司法制度已經去到極不信任嘅程度,藐視法庭案件或暴動案如是,而 樹大招風 偽鈔案亦如是,荒謬到呢個程度,政府仲要檢控,法官竟然照判有罪,究竟依家香港可以濫用司法做政治報復去到乜程度,我摸唔透。

樹大招風 案根本係政治檢控

道具銀紙要做得似,呢個係高清年代嘅要求,因為高清年代啲嘢好易穿崩,無可能用真銀紙拍戲。而點解以往用道具銀紙都無事,呢套要檢控,一方面, 樹大招風 其中一個導演係《十年》嘅導演,政治報復同警告味道明顯,另一方面, 樹大招風 嘅政治信息好清楚,好明顯張曉明、王振民呢啲政棍唔服氣,所以指令律政司亂咁告。

而東區裁判法院呢次負責判果個張潔宜,佢嘅背景我係俾個極大問號,點解我咁講,大家睇司法人員任命對她嘅簡介就明

張潔宜於一九七一年在香港出生。一九九四年及一九九五年在香港城市大學分別取得法學士學位及法學專業證書。一九九五年在香港獲大律師資格。一九九七年加入律政司出任政府律師,並於二○○七年晉升為高級政府律師。

乜話,又係政府律師,仲要1997年後加入政府果啲,你覺得呢啲友仔嘅出身,會考慮人權自由呢啲元素嚟判案,咪玩喇,所以呢啲官,好大機會做釘官,而且係最仆街果啲,喺香港嘅人,就唔敢鬧法官鬧到咁盡,但依家既然離譜到呢個程度,簡直挑戰常識,我反正Server喺美國,人喺德國,就不如放膽啲講,呢啲官判果陣,係當自己係裁判官,定係政府律師呀,呢啲乜係判決嚟㗎,你無嘢嘛。寫到明係道具銀紙都要判有罪,你記唔記得刑事案都要考慮犯案動機呢家嘢喎,呢啲判法,簡直係同中國睇齊,果然係一股歪風。

所以近排法院啲離譜判決,令我更加肯定一樣嘢,日後香港啲公務員同法官係必須清算,我執行柯打咋唔係大晒,而且相關嘅法官同公務員必須重判,以及剝奪長俸及一切福利,甚至沒收財產,至能以警傚尤,執行柯打前,唔該問咗自己良心先,唔跟自己良心亂嚟嘅友仔,係必須付出沉重代價,唔可能就此就算數嘅。

2 thoughts on “樹大招風 偽鈔案:荒謬絕倫政治判決

發表迴響

你的電子郵件位址並不會被公開。 必要欄位標記為 *