暴動罪-min

暴動罪 判決:香港法官日後被判入獄係遲早問題

暴動罪 有第一批判決,全部重判,我好少公開鼓吹日後共產黨倒台後要清算香港法官,但依家我認為有必要,因為香港部分法官變成東德嘅酷吏,如果唔作出清算,就唔好講乜嘢Rule of Law,呢啲只係Rule by Law,以法律之名行惡邪惡程度係罪加一等。

暴動罪 判決有乜問題

我之前都講過,鄧如欣呢類公務員有幾仆街,呢個係平庸的邪惡嘅問題,反對平庸的邪惡,係德國戰後嘅立國根本,所以東西德統一後,德國法院大規模清算果啲喺東德政府任職有份鎮壓人民,特別射殺人民逃亡去西德嘅仆街。法治嘅根本,係人嘅良知同基本權利嘅尊重,香港好多人仲係用Rule by law思維方式(喺BNO居歐權問題上我見識得太多,仲有好多唔識法律理論嘅白痴認為歐洲國家係administrative error,返去讀jurisprudence再同我討論吓呢啲問題),果件事當權者話係犯法,你照判,但唔考慮當中嘅基本民權因素,結果有罪果個唔係被告,係判果條友。

郭健偉成個判決,最令我高度反感係唔會討論成單案嘅動機同政治對錯,離晒大譜,你同東德射殺逃往西德人民果啲警衛有乜分別,執行柯打,同埋法庭唔係討論政治對錯嘅地方,都係一種平庸嘅邪惡,自以為世界正常,明知有問題仲要執行有問題嘅柯打,呢啲就係人渣所為。本來魚蛋革命果鋪,喺歐洲嚟講真係小事,喺德國,極左分子搞出嚟嘅G-20漢堡大混戰,真係破壞店鋪,甚至有部分踩到1967年中共恐怖分子搞果挺恐怖活動嘅底線,但德國人討論呢件事果陣,都未至於隨時話人係無法無天。郭健偉呢個官,簡直係中國惡棍法官上身,所以呢件事,係我認為日後香港如果獨立或歸英,必須對部分法官作出清算嘅原因,包括裁判法院啲釘官,以及近年作出違反民權判決嘅官,我認為呢啲官嘅判決,必須有效率存檔,作為檢控證據。

無法無天四個字,留番俾郭健偉,有啲法,係高過當權者定嘅所謂法,我唔想用仆街兩個字對住啲法官,但今日我需要,佢嘅判詞,已經判咗佢本人有罪,呢啲人,係無論天腳底都要清算到底。

One thought on “暴動罪 判決:香港法官日後被判入獄係遲早問題

發表迴響

你的電子郵件位址並不會被公開。 必要欄位標記為 *