烏克蘭-min

對付契弟國家該學 烏克蘭

俄羅斯用fake news搞人地啲選舉,大家都聽過,但俄國FSB俾fake news搞到一鑊泡,應該係第一次。 烏克蘭 FSB 為咗保護俄籍批評普京嘅記者Arkady Babchenko,走去作Arkady Babchenko被人殺咗,引蛇出洞,然後拉鬼晒啲幫俄國佬做嘢嘅烏克蘭人,完全估佢唔到,荷里活電影情節,都未必寫到有咁膠。但如果你明「我唔怕啲契弟,因為我最契弟」呢句爛gag嘅真義,你就明對付俄國、中國呢啲契弟國家,你應該使用嘅手段。

烏克蘭 用正常方法條友死咗

普京喺KGB做咗咁耐,慣咗做嘢無視法律同常規,呢點,其實烏克蘭好清楚,大家諗吓全世界同俄國有交戰嘅國家,依家主要就係烏克蘭同格魯吉亞。你明知一個對手係契弟,咁你點保護自己,呢個咪係《變色龍》成個古仔真正討論嘅問題,而大部分人,梗係仲係用正路,做君子嘅方法對付契弟,但對俄國呢啲做事好似無後果嘅流氓國家,你可以做只有以牙還牙,所以烏克蘭人發揮一貫嘅創意,既然烏克蘭發明掟仆街政棍入大垃圾桶呢招,咁用fake news治普京,等普京知道fake news嘅滋味,咁又如何呢。所以 烏克蘭 人咪做得最契弟果個,公然作新聞,引你果兩件烏奸入局,不惜全世界都呃晒,包括當事人嘅老婆,但對住普京呢啲人渣,又堅係無符,呢次應該係俄國情報部門喺 烏克蘭 一次重大挫敗。

所以香港人對中國呢啲國家,仲學啲相當正人君子嘅手法係行唔通,唔係叫你學普京咁做大獨裁者, 烏克蘭 都係民主國家嚟,但用嘅手法,就真係唔好同自己設限太多,因為對方都唔同你講道理,發揮自己嘅創意,想點玩就點玩。一如荷蘭打獨立戰爭果陣,西班牙叫荷蘭爭取獨立啲人係乞兒,荷蘭人就叫自己做乞兒軍,搶晒西班牙啲殖民地返嚟自己用,所以荷蘭立國不久就變殖民帝國係咁玩出嚟,我相信 烏克蘭 最後都可能變得好強大,因為多得普京玩謝佢地,所以 烏克蘭 迫出小宇宙,都係果句,如果要香港能夠擺脫中國壓迫,你要記住係變色龍果句爛gag,我唔怕啲契弟,因為我最契弟。

發表迴響

你的電子郵件位址並不會被公開。 必要欄位標記為 *