何志平-2

何志平 應該無望返香港

何志平 一直由唔知乜水指派俾佢嘅代表律師申請保釋,但依家似乎申請保釋將會凍過水,因為美國公布最新US-Hong Kong Policy Act報告指,林鄭月娥竟然喺北京指示下,拒絕遣返美國要嘅逃犯,並將個逃犯交俾中國政府,咁就十分之大件事,我相信 何志平 能夠保釋機會等於零,而美國收緊對香港特區護照持有人嘅簽證政策,亦都應該係正常嘅事。

無人信 何志平 一旦去咗香港會返美國

林鄭月娥竟然唔聽美國講,將一個美國要嘅逃犯交俾美國,而係交俾中國,證明香港政府不單無咗自主權,而且唔會尊重美國同香港長期以嚟嘅協議,咁一旦 何志平 保釋,潛逃返香港,你覺得香港會交出 何志平 出嚟,仲要 何志平 做過香港政府嘅高官。好大機會係轉過手就交俾中國,由中國去保護 何志平 ,所以呢個情況下,法院係絕對唔可能批出任何保釋命令俾 何志平 ,除非報告裡面果個逃犯,中國政府同香港特區政府自己交出嚟,呢個就又作別論喇,可以商量嘅事,但現階段 何志平 最可能結果係喺美國監獄終老,無可能返到香港。

大家留意,如果香港執法部門變咗中國嘅附庸嘅話,呢件事係好大鑊嘅一件事嚟,我相信之後嘅結果好大機會係特區護照持有人去美國簽證,會同其他中國公民一樣被收緊,特別美國處理簽證果陣,係有將BNO同特區護照當成兩個國家處理,喺呢個情況下,如果你打算送你子女去美國讀書,小心簽證簽唔到嘅問題,特別如果你本人參與埋啲親共活動,就算依家批到簽證都被美國監視,勢色唔對就簽證都取消埋,要你返歸,都係果句,你走去分享做中國人嘅榮耀囉,唔好以為美國人唔知你班仆街無參與親共活動,美國佬要搜集到啲數據,但一定搜集得到。而好多人過往留美再攞埋綠咭呢樣嘢,如果你持特區護照,應該無呢枝歌仔唱嘞,呢個多謝林鄭月娥同 何志平 兩條仆街。

對於BNO,喺平權之前,我相信游說美國只係俾BNO持有人參與Visa Waiver Program可能比較適合,特朗普年代,應該有相當嘅成事機會,因為佢唔會好似奧巴馬咁睇中國面色做人。

發表迴響

你的電子郵件位址並不會被公開。 必要欄位標記為 *