藐視法庭-min-唐琳玲

唐琳玲 藐視法庭案:一係攞精神報告,一係快作出聆訊

唐琳玲 藐視法庭案嘅發展,已經去到法蘭西爛片嘅地步,搵個法國導演寫啲黐線劇本,都寫唔到咁瘋狂嘅劇情。成手佛珠,同耶穌傾偈,無嘢嘛。呢單嘢法官點審,我本來唔想評,但依家嘅劇情發展係去到,法官根本係選擇性軟弱,至搞到依家法院徹底被藐視。

一係攞 唐琳玲 精神報告,一係快作出聆訊

當然 唐琳玲 成手佛珠,聲稱同耶穌傾偈而話佢無事,呢啲荒謬情節,不外乎有人扮short或真係short咗,咁立即還押小欖精神病治療中心,索取精神報告,confirm條友係唔係short鬼咗。如果法官認為條友根本係詐傻扮懵,如果 唐琳玲 仲喺搵法律代表度扭屎忽花,就立即開庭聆訊就算。試吓一般香港嘅疑犯,喺指派法律代表上面扭完又扭,睇吓個法官講乜?所以我話呢單嘢係法官選擇性軟弱,兼且令法院徹底被藐視,你試吓第二個都學 唐琳玲 咁玩,個官走去採取果斷行動果陣,啲人會點做?咪搬陳慶偉法官點處理 唐琳玲 呢單嘢,然後用嚟做辯解藉口,你覺得法院可以做到乜?

依家警方主動offer,話至少有兩名男子目擊 唐琳玲 藐視法庭,並且搜證警員都ready作供,好明顯,有人都嫌唐小姐玩到件事太膠,甚至好可能結果係佔旺案根本係聆訊唔落去,因為講藐視法庭, 唐琳玲 一條友破晒香港紀錄,甚至呢單嘢嘅離譜程度,已經可以同黃陽午案相提並論。所以,速戰速決可以講多方面嘅共識,甚至律政司司長果邊,都無可能低能到放水俾呢件八婆,除非 唐琳玲 係十分高級嘅情報人員或特務,但如果係十分之高級嘅特務,照計都唔會著草都著唔到,仲要喺香格里拉酒店附近被警方捉到咁硬膠。所以我相信,如果係特務,應該有人放棄咗佢,呢件事要做番啲嘢,去令中共可以繼續用法院嚟專政香港人。

但仲有一個問題,香港記者應該追一追,就係 唐琳玲 嘅香港身份證係點發出,如果係假證,就唔該告多條罪,如果係真嘅,香港入境處唔該解釋一吓,點解當初呢件八婆攞到身份證,以及佢依家嘅逗留條件係乜,呢件事關乎公眾利益,香港入境處咁都唔解釋,無嘢嘛。呢個涉及特區護照可信度喎。

發表迴響

你的電子郵件位址並不會被公開。 必要欄位標記為 *