洗碗粉-洗碗碟機-min

洗碗粉 嘅問題

我講推廣用洗碗碟機去慳水,引嚟好多討論,其中一個香港用洗碗碟機嘅問題,係 洗碗粉 ,香港啲 洗碗粉 貴到hihi,仲要係唔貴嘅牌子都唔賣,匪夷所思。或者我可以進一步分享一下,我對 洗碗粉 嘅認知,以及可以點幫大家慳錢。

洗碗粉 定洗碗塊

首先,香港好多賣 Finish 嘅 洗碗粉 ,成件事係黐線,仲要連軟化水嘅鹽功能都無嘅Classic都賣成100蚊咁貴,離晒大譜。喺德國,一粒有晒基本 洗碗粉 功能嘅Tablet,本身兼埋有軟化水鹽、清洗玻璃用嘅輔助劑等等,我們叫十二合一Tablet,DM呢啲藥妝店嘅,都係賣2,75歐羅四十粒,如果用貴少少牌子,一般係Henkel嘅Somat Gold,XXL裝56粒都係講緊8,7歐羅。當然,我明有運費,但如果我DM十二合一四十粒裝,我寄過嚟香港都係110(連運費),一粒搞掂,唔駛另外買鹽果啲納雜嘢,我覺得香港啲公司食水真係非一般嘅深。如果你走去淘finish嘅classic粒粒返嚟,我只能講你被人搵笨,因為Classic要另外加鹽同清洗輔助劑,一啲都唔抵。

講真,我諗過要做 洗碗粉 嘅生意,因為你賣洗碗碟機嘅廠,係應該賣埋呢啲耗材,但香港好明顯唔係。點解我唔建議Finish,因為我個人喺德國用Finish嘅經驗一啲都唔好,如果有唔少人嫌香港用洗碗碟機唔好用,我估其中一個原因,係因為 洗碗粉 無選擇,根本係中咗伏,我已經係用最好Finish Quantum嘅系列,但洗嘅碗無用DM 或者Somat Gold咁乾淨,所以最後我都係用番Somat Gold,當然Somat Gold係貴,但乾得快好多,所以我亦無謂標價,畢竟運費成本係最大嘅部分。但我可以想像,用緊 Finish Classic啲 洗碗粉 啲友仔,睇到自己部機嘅表現,會唔會想爆粗囉。

我諗除咗德國,如果住其他國家嘅香港人,都可以幫吓喺香港想用洗碗碟機啲朋友。但都係果句,香港用乜電器都可以無相應配套,由咖啡機到洗碗碟機都係,係連洗衣機都唔見配套太好,香港做消費者只能講真係命苦。

One thought on “洗碗粉 嘅問題

  1. 靚少少牌子既洗碗機 (Bosch/Miele)冇dishwasher salt/rinse aid係唔會著既。

    劍橋既水硬到離哂大鐠都係兩個月用的一包鹽(£2.5),平時用Aldi啲平dishwasher tablet都係£2.5/50粒,效果已經好好。

    最重要係睇你部機有冇餐具盤,有既話好少見有洗唔乾淨既情況。

發表迴響

你的電子郵件位址並不會被公開。 必要欄位標記為 *