沙中綫

沙中綫 豆腐渣邊個敢搭

沙中綫 嘅問題,似乎越嚟越離譜,依家發現唔只 沙中綫 隧道漏水咁簡單,仲要係有人明知啲螺絲有問題,鎖唔實鋼筋,就用手提油壓鉗剪短佢,裝假狗扮無事,仲要係禮頓亞洲嘅高層係知情嘅,如果月台層搞出事,我真係唔知點收科。甚至高鐵有無類似問題,本身都係一個十分之大嘅疑問。

沙中綫 點解變咗豆腐線

我唔知仲有幾多港鐵喺馬屎坑治下嘅路線,變鬼晒豆腐綫,畢竟以往周松崗做CEO果陣,佢仲係一個工程人,唔係政客,但馬屎坑係搞finance出身兼做政客,你覺得呢條友會做啲乜出嚟,我真係唔敢估落去。本來港鐵係世界一流嘅鐵路公司,但由於港鐵大股東係政府,政府腐敗,港鐵好難唔會跟住腐敗,所以高鐵固然無人敢搭,就算係 沙中綫 依家搞成咁,邊個咁攞自己條命仔去賭去 沙中綫 過海呀,結果大家仍然會湧晒去金鐘同埋北角站過海,因為果兩條線嘅土木工程喺英國人治下進行,而 沙中綫 係典型中國治下嘅工程,仲要係梁振英上台後嘅工程,邊個敢坐落去呀,大家心照喇。

依家香港果種腐敗,最大來源係中國,係連鬼佬都會腐敗埋一份果隻,正如以往一樣有英裔警官參與皇家香港警察嘅貪污勾當一樣,因為貪咗污無後果,又可以撈筆大錢,又唔會影響自己喺西方嘅地位,或者搵埋筆大錢都走去退休,點會在乎個工程會唔會傷天害理,香港又唔係法蘭西,法國就話如果工程設計有貪污等失誤搞到死咗人,係以謀殺罪論處,刑罰勁過貪污罪,真係坐成世都得果隻。香港又無呢啲法律,所以大家見到,呢次係連澳洲資本嘅公司都膠埋一份。

當然,澳洲資本公司膠埋一份又好正常,禮頓亞洲係CIMIC集團成員,而CIMIC嘅其中一間同系公司,就係UGL Limited,無錯,係UGL Limited,咁你話,點可能唔會出膠事至得。

我估馬屎坑實死頂到底,咁樣唔係辦法,我可以offer一項服務,如果你想寫信俾Hochtief AG,即係禮頓亞洲嘅阿媽,你可以將信件pdf形式email俾我,我會印出嚟轉到Hochtief AG,當然,最好有捐番啲郵費同人工費出嚟,如果用掛號形式,成本大概HKD 35一封。你封信,記得留低你自己嘅地址,等佢地親自覆你。我估都係出呢啲招,至可能保得住香港人嘅命仔。如果信件數目夠多,我可以坐一個鐘火車,送到Essen Hochtief AG總部。

One thought on “沙中綫 豆腐渣邊個敢搭

  1. 沙中線一開, 政府實CUT哂11, 14, 101, 107, 到時繁忙時間漆咸道北半個鐘一班車去中環, 焗住人人搭沙中線, 呢個政府有乜係做唔出O既?

發表迴響

你的電子郵件位址並不會被公開。 必要欄位標記為 *