中美貿易戰-你大我-貿易戰

貿易戰 始終係要打

喺意大利政局亂過乜果陣(膠國就係咁),美國同中國嘅 貿易戰 可能會再度開打,喺6月15日美國會提出徵收百分之廿五關稅嘅清單。當然,呢次美國嘅目的十分之清楚,就係衝住北韓嘅宗主權而嚟,如果侵金會有乜冬瓜豆腐同中國有關, 貿易戰 打得再甘一啲,屆時中國堅係跳海都唔掂。

貿易戰 作出戰略手段

美國又話要打 貿易戰 ,背景喺美國同北韓密鑼緊鼓商討侵金會嘅安排,甚至北韓情報部門首腦,已經可以大搖大擺取道北京轉機去美國,商討侵金嘅進一步安排。中國好明顯依家要喺 貿易戰 同北韓宗主權之間作出選擇,因為金正恩嘅選擇,其實係十分清楚,就係呢個M&A Deal裡面,美國俾出一個十分之吸引嘅價,而中國係俾唔到。而美國慎防中國阻住地球轉,亦要對中國最初阻頭阻勢作出一定懲罰,所以美國6月15日張清單係勢在必行,而6月15日係小懲大戒,定係方丈大報復發生,就好睇侵金會最終傾出乜嘢deal出嚟,如果侵金會傾得比預期好,中國可能罰少啲,但如果侵金會傾得好唔掂,甚至搞到 Trump 無面,咁就堅係唔好意思,美國點知係罰之前講嘅數字,真係十倍奉還都有份。

當然,對中國嚟講,放棄北韓宗主權呢樣嘢,究竟接唔接受,我相信對中國人嚟講好難抉擇,因為依家中國嘅經濟情況,係承受唔起另一次大貿易戰。只不過,放棄咗北韓宗主權嘅結果,係等於台灣同南海嘅宗主權同時失去,甚至香港,或上海嘅控制權都未必保得住,因為北韓太近北京,對發緊帝國春秋大夢中國人,佢地唔在乎南北韓統一與否(事實上,中國人好歧視韓國人,不爭嘅事實),佢地仲係信緊一早out晒date嘅社會達爾文主義,呢種十九世紀末、二十世紀初嘅垃圾。所以我相信喺6月12日前,中國仍然可能有動作,試圖保住中國對北韓嘅宗主權,依家睇吓中國人係唔係癲到會不惜一戰,雖然菲律賓唔知發咗乜神經,話中國喺南海起嘢,菲律賓會宣戰。我唔知菲律賓憑乜嘢反擊中國,但如果菲律賓有美國嘅錢同軍事保證就另一回事,菲律賓總統認錢唔認人。依家香港人都係自己睇路, 貿易戰 開打機會十分大,除非中國明確放棄對北韓宗主權。

2 thoughts on “貿易戰 始終係要打

  1. 睇嚟中共對北韓宗主權好難放棄,馬來西亞變天,變相南下之門已塞,亞洲只餘北韓同台灣,台灣要力取,軍方有限,唔係南北韓搞小動作,點保亞洲出口!

發表迴響

你的電子郵件位址並不會被公開。 必要欄位標記為 *