唐琳玲-被捕-min

唐琳玲 呢單案應該點處理

佔旺刑事藐視法庭案,最終演變成審理中國喺香港藐視法庭, 唐琳玲 可以七十二小時唔交保釋金,又報假住址,搞到法官要出拘捕令,已經被警方拘捕。但 唐琳玲 案對香港司法傷害之大,如果 唐琳玲 以及其相關案件唔處理,香港法院同等執笠無分別。

唐琳玲 點解可以咁囂張

唐琳玲 點解可以囂張成咁,因為之前有兩宗法庭影相嘅藐視法庭案件根本無處理,一單就係梁天琦暴動罪果單案,法官明知陪審員受到威嚇都要判決,簡直不公不義,另一單就係何君堯案,所以如果法院想重建威信,唔單只要處理 唐琳玲 案,係何君堯案必須攞番出嚟審,並且搞到何君堯釘牌兼DQ埋立法會議席。而梁天琦果單,應該成單案,改為永久終止聆訊並釋放所有被告,因為無人信法院可以公正行事,呢啲監係公正監嚟㗎?唔係嘛。就算 唐琳玲 案重判,梁天琦果單案,同何君堯果單唔妥善處理,呢啲黐線事情仍然會繼續發生。而且司法機構無理由繼續俾律政司司長決定告定唔告藐視法庭,依家好明顯律政司係幫凶,如果唔係 唐琳玲 嘅行為太硬膠,我覺得差佬都未必會揸正嚟做,唔好講話律政司司長。所以呢單嘢膠成咁,司法機構某程度上係要負上一定責任,長期姑息養奸嘅結果,就係法院嘅威信不保,已經唔好講上訴庭果單一股歪風嘅事件。

依家全香港人食花生,睇法庭點處理 唐琳玲 ,但可以肯定係,如果法庭喺 唐琳玲 呢類真藐視法庭案件,處姑息態度,但陳曼琪條巫婆啲case,又「認真」處理,香港法院無晒公信力只係遲早問題,終審法院請乜嘢星級法官做非常任法官都無補於事,因為大家只會覺得,法院同律政司一樣是非不分,幫黨服務。我本來唔想用到咁辣嘅評語,以往只係裁判法院嘅釘官問題,但釘官未必涉及政治,更大可能係涉及個人偏見,法院文化以及升遷制度問題。但依家係高等法院都大量花生出現,呢個就係你成個司法機構出問題嘅結果,而點解李國能果陣無咁多問題,依家馬道立睇法院搞到好似倒瀉籮蟹咁,呢個問題,其實有唔少人自己心中有數,只不過喺香港果啲人就費時講喇,我喺德國就話可以講盡啲。

2 thoughts on “唐琳玲 呢單案應該點處理

  1. 我看這個世上,沒有那個國家做特工的做到大6的這樣囂張!由何志平事件及這女人,大大聲說我是幫這個國家做事的,但這個國家的政府及機構卻立即同這人切割.這些人是否看得抗日神劇多?國家一定出來解救你的,但神劇都有幾場迫供場面;但他們一D都無便爆老大出來,自以為說老大出來夠照不用受皮肉之苦?你好彩是HK,司法/政府/傳媒/機構早被買通,但你所屬機構說無此人!聽這女人對白初時我都覺得她是否傻的?神經病?但後來聽其他网台分析為何會印好多假名/卡片出來準備周圍派?傻人不會花這大手筆印嗎?如你所說中鐡建的IP同她的是小了一劃”-“,但我相信她是這前解放軍特務機構派出來的人,很多中共派出來同議員遊說的人都會用這方式,怕你不知我是誰會用”正名”,但又小了一個字或多了一個符號在法律上你卻找不到把柄,像上面的山寨品牌一樣.不過作為特工她卻無專業水準,只是班記者追問人家都未向你迫供,不過大6專出這些垃圾個官是買回來的嗎?所以解放軍點同外國打?而且外語水平…..原來是有限公司!只能說些簡單口語再說下去不能再表達,而且口音,一個人的口音最難改,你說你不是大6人都幾難.由小孩5-10歲便定形了,英國音,美國音,印度音,現在還加上大6音.不過美國CIA外語水平都是一般差,所以他會用回那國家的人做特工,口音一定無問題,況且美國多不同種族的人用.

  2. 還有https://asia.nikkei.com/Opinion/Time-to-scrap-Hong-Kong-s-currency-peg2我在膠登看到,是否外資評論員想做淡港元來UN-peg?此符合外國炒家及中共的意圖.

發表迴響

你的電子郵件位址並不會被公開。 必要欄位標記為 *