萬宜水庫

萬宜水庫 見底?東江水有X用?

萬宜水庫 一直係儲存東江水三大水庫之一,所以要求填咗船灣淡水湖同 萬宜水庫 果啲白痴,除咗白痴,我無其他更合適形容詞。而近日 萬宜水庫 居然見底,我對東江水嘅作用更加懷疑。如果東江水係供應足夠,點會出現 萬宜水庫 見底嘅情況。

萬宜水庫 見底點解嘅

如果照前水務署長馬利德講,東江水加雨水要有相等於香港六個月用水嘅存量,咁依家應該照協議用盡香港可以得到嘅東江水泵水額,擺喺 萬宜水庫 存放,而唔係出現呢種乾旱嘅情況。所以,依家東江水係唔係可以做到當年英治年代嘅緩衝作用,我個人抱持十分之大嘅保留態度。另一方面,依家香港點解唔攞盡水嚟補充,我十分之懷疑中國根本出現緊嚴重乾旱,如果係呢個情況,我對繼續買東江水嘅決定係十分之質疑,因為呢個好明顯,除咗益啲貪官污吏,對香港同中國兩邊嘅普通老百姓,係一啲好處都無。換言之,香港不單需要儘快建好海水化淡廠,而且隨時規模要達到新加坡現時大士水廠果種級數,至可能解決到因氣候變化而造成嘅香港水源不足問題。

當然 萬宜水庫 見底,東江水不足嘅問題,只不過係噩夢嘅開始,依家香港過於依賴中國供應蔬菜,大家有無諗過,如果中國咁旱災法,其實中國能否提供足夠嘅食物俾香港,肉類仲可以依賴其他國家,最多唔食鮮肉。但蔬菜香港係唔係要考慮溫室農業嘅問題,包括廠廈活化俾農業使用,以及新界係唔係仲要咁一味為地產商服務而發展,香港唔可以再俾每日150個單程證持有人前嚟定前,而新界原居民果種不顧後世子孫嘅賺錢方式,應該到此為止,因為咁樣絕對唔係路,唔通等到菜價暴漲,甚至無法供應香港,香港人至知道個死字點寫咩。

呢次酷熱,只不過係開始,而唔係結束,都未計香港嘅用水習慣。香港人唔係為慳水白俾東江水費,要喺香港向中國買水協議合理化嘅情況下,作出一定嘅用水習慣嘅改變,令香港成個用水效率提升番,香港依家好多講慳水仲係集中喺沖涼沖幾耐,真係講白痴嘢去第二度。呢一點,我喺香港時間下午兩點果一節文詳細講,呢個同我德國嘅經驗有關。

發表迴響

你的電子郵件位址並不會被公開。 必要欄位標記為 *