國儲能源-min

國儲能源 違約與支爆

一度有意買中環中心嘅 國儲能源 ,大家以為 國儲能源 好有米買,呢單係大刁,點知最後演變成香港人接火棒,兼且 國儲能源 2015年發行嘅債券出現債務違約。 國儲能源 大成咁都可以走數,你覺得真係唔會支爆,咁你自己真係小心睇路。

國儲能源 爆大鑊衰過海航

海航爆成咁,其實已經好大鑊,只不過,海航都可以話係地方政府持控企業,唔代表中央政府嘅財力有問題。但 國儲能源 出事,就反映可能係中央級別嘅企業連環爆,就隨時搞到CDS賭博滿天飛。根據有限嘅資料, 國儲能源 嘅大股東,包括咗中共中央對外聯絡部下面嘅中國華聯,以及具有主權基金性質嘅中國海外控股集團,呢個股東組合,任何做deal嘅人都唔會認為佢會走數,除非搞到支爆出現,咁就另計喇。

依家 國儲能源 喺成堆中央股東支持下走數,咁大家覺得中央係唔係真係有米到可以支持一個大project,呢個一定會引起市場極大疑慮,如果 國儲能源 可以出事,就任何中央級嘅大型國有企業都會出事,債券會出事,咁好多嘢都會出事,屆時仲唔大鑊,所以依家啲人仲唔信支爆呢樣嘢會發生,我唔知啲人天真樂觀,定係唔知,中共以及相關人物,已經將啲錢走得七七八八, 國儲能源 固然係海航以外另一個危險物品,佢會繼續有嘢爆落去,但除咗 國儲能源,仲會有其他央企都可能有問題,果啲有過重大交易撻訂紀錄嘅公司,大家就要特別留意,因為出事往往喺果啲公司度。

大家依家終於明,點解金正恩擺明車馬投向特朗普懷抱,因為中國係無能力俾到北韓要嘅銀碼,中國都自身難保,又點樣找到北韓想要嘅錢,相反,美國無論銀彈定核彈都十分之充足,中國可以睇住北韓宗主權失去嘅同時,啲金融大鱷隨時搵你弱點炒到飛砂走石,屆時中國唔駛打仗都好大機會自我崩潰,而走去打仗轉移視線,情況就會死快啲,一如二次大戰果陣德國同日本一樣。 國儲能源 呢件事,大家應該密切留意事態發展,並且對自己嘅財產做好最好嘅準備,否則你會死咗都唔知乜事,因為呢次一爆,之後全亞洲就會陷入由支爆引發嘅戰略大混亂。

發表迴響

你的電子郵件位址並不會被公開。 必要欄位標記為 *