ARUP-min

ARUP 高鐵 一帶一路

高鐵維修路軌玩到出咗事,依家有調查結果,原來係顧問工程公司 ARUP 計錯數。當然, ARUP 唔應該犯呢種錯誤,因為 ARUP 唔係一間喺高鐵工程上屬於新手嘅公司,因為依家英國用緊嘅HS1,就係 ARUP 搞。只不過,依家香港搵邊間顧問工程公司都無用,因為中國果種派合約嘅手法,啲公司犯錯唔會受懲罰,甚至,呢啲錯誤,係同佢地搵啲中國人做番啲中國嘅單有關。

ARUP 反映工程界集體腐敗

首先, ARUP 之前已經有過用不正當方式營運紀錄,橫洲規劃數據果單嘢,到依家都未有人負起應有嘅刑事或民事責任,只係罰唔准入標三個月,呢啲叫有罰過,咪玩喇。另一方面, ARUP 嘅競爭對手AECOM,呢幾年都收好多中國合約,例如馬來西亞東海岸鐵路,竟然係中國果邊外判俾AECOM做顧問工程,你覺得 ARUP 做同 AECOM做有分別咩,可能有少少分別嘅,但喺顧問公司玩到變咗duoplay或少數公司壟斷嘅世界,真係由一個火炕跳入另一個火炕。仲要啲公司會越來越顧全中國面子,因為佢地以為,中國喺一帶一路相關嘅工程度會醒佢地,所以建築測量界由謝偉銓贏番議席唔意外嘅,因為有啲人見到一帶一路嘅狗餅,就唔記得咗自己應該選個乜嘢議員代表專業嚟制衡政府,IT界我都見過以前親民主,依家親共親到自己樣都變埋嘅友仔,有乜奇至得。

呢啲我叫工程界嘅集體腐敗,點樣有得救,可能支爆咗有得救,因為有堆公司破咗產,業界少咗一堆人,然後西方國家嘅政府揸番正嚟做,咁或者得嘅,所以你叫我坐中國高鐵香港段,撇除我非中國籍攞中國簽證難過登天,以及一地兩檢後面嘅洗頭艇嘅問題,我基本上係唔會敢坐,因為由顧問工程公司嘅態度,去承建果堆鐵道兵嘅做嘢方式,你想你自己活埋喺高鐵隧道果度,你就坐高鐵喇。高鐵根本係一個有政治目的,以及掠水唔駛本嘅project,香港人嘅自由民主,以至人命安全,甚至中國人嘅人命安全,啲友仔都一啲都唔在乎。如果港鐵真係有十足信心,不如搵成龍代言喇,我真係留名食花生睇吓點。

發表迴響

你的電子郵件位址並不會被公開。 必要欄位標記為 *