海爾-min

海爾 吹牛吹出大西洋膠到無朋友

海爾 同聯想一樣,都係靠收購西方國家品牌同鍍金嘅公司,聯想收購IBM PC部門,而 海爾 就收購三洋電機家電部門,以及通用電氣家電部門。本來 海爾 唔搞膠嘢,啲人都未必一時間為意呢間公司有幾膠。只不過,依家 海爾 吹牛吹到得到世界衛生組織認可,被世界衛生組織一巴摑埋去,就另外一回事,中國共產黨喺依家要打壓台灣嘅形勢下,都唔會撐你 海爾 呢間垃圾公司。

海爾 吹牛唔擇日

海爾 呢種借聯合國組織撻朵吹牛嘅作風,同香港土共組織好似,大家都記得乜嘢香港世貿組織聯會一類垃圾土共組織,就係果啲白痴邏輯。 海爾 咁吹牛,如果唔係依家要打壓台灣嘅時機,都未必會出動宣傳機器到扁你 海爾 ,但伭家情況好唔同,依家台灣向世衛組織捐咗錢,加上有美國同歐盟支持,打算喺世界衛生大會叩關,而大家都知,中國近幾年將世衛組織搞到垃圾崗咁(多謝食雞珍條仆街),如果 海爾 呢啲世界有名大公司都搞仆街搞到衰晒,咁中國就真係將會十分之唔得閒,所以中國唯有認 海爾 班友衰咗。如果照平日中國一貫嘅做嘢手法,邊有咁快認衰仔至得㗎,你話係唔係?

呢次 海爾 真係吹牛吹出大西洋,仲要做假做成咁,如果諗住道歉了事無乜可能,如果我係台灣外交部門官員,一定將件事譯成英文,兼抽水抽到盡,中國搞到世衛組織一塌糊塗,呢個都係不爭嘅事實嚟。當然,喺一眾貪錢如納吉嘅非洲同亞洲國家支持下,中國都仲可以擋住台灣叩關世界衛生大會,只不過,前提係中國仲有咁多水可以養住果堆非洲同亞洲貪官,否則何志平呢啲仆街生存嚟做乜呢?如果唔係何志平無乜公共衛生嘅經驗,當年老董委任佢做衛生署長,一早就送佢去做世衛組織,而唔係搞到要喺紐約坐監咁慘喇。

但可以肯定係,以中國人嘅一貫本性,類似 海爾 嘅吹牛事件係沒完沒了,下次隨時請個鬼佬戲子出嚟,等大家以為更真實,要喺英國、法國、東歐國家,甚至俄國請個職業戲子有乜難,隨時香港都可以搵到唔少,依家要請個咁嘅戲子,中國要俾係錢啫,而且唔會有刑事後果,呢個至係當中最大嘅問題,有刑事後果就話啫。

One thought on “海爾 吹牛吹出大西洋膠到無朋友

發表迴響

你的電子郵件位址並不會被公開。 必要欄位標記為 *