Trump-金正恩-min

Trump 同金正恩玩緊乜?

Trump 同金正恩之間關係越嚟越有趣,應該咁講,呢兩條友夾埋揭中國嘅底牌,已經玩到中國半天吊。雖 Trump 寫信話唔玩侵金會,但實際上,北韓暗地安排同南韓會面,文在寅秘密喺板門店北韓控制區同金正恩會談後, Trump 成棚人又去新加坡準備侵金會,究竟兩條友玩乜?

Trump 應該「買」到北韓宗主權

我幾日前都講, Trump 係用傾M&A嘅方法同北韓傾,當你知道呢單係M&A Deal果陣,金正恩實際考量係作價,特別北韓真係叫晒記者睇核試場被炸,呢個係一個好明確嘅訊號,就係金正恩仲想傾單deal落去,咁 Trump 就好簡單,就係嗌高個價,反正佢俾得起。對美國嚟講,買北韓宗主權,應該係一項好實惠嘅交易,分分鐘平壤首都嘅Trump國際酒店,由 Trump 本人親自揭幕都仲得,大家朝聖咁去。而金正恩去完中國後,中國根本俾唔起果個價,咁大家明點解侵金會又搞得成,因為中國嘅經濟實力,確係無辦法無限量咁支持北韓,呢個我喺2010年新加坡《聯合早報》嘅文章一早寫過,否則提中國俾朝鮮半島以奧地利模式嚟統一把鬼咩。只不過,依家中國至意識到,自己根本俾唔起咁貴嘅代價保住北韓宗主權,呢佪底牌一揭開,對未來亞洲局勢都係至為關鍵嘅事。

中國未必可以再買多幾個台灣邦交國,一方面無錢,另一方面,中國喺馬來西亞嘅作為,林冠英同馬哈迪夾手篤爆,根本中國嘅援助,遲早會變成國際計時炸彈,啲國家遲吓可能退錢都驚趕唔切,呢個世界唔係中國有錢可以大晒。中國點樣回應侵金會,至係一個問題,但如果美國可以提供足夠安全保證俾北韓,甚至美軍人員已經暗中出現喺北韓嘅話,我認為中國一切都已經太遲,當平壤喺美國手上果陣,中國係無條件做任何事情,呢個係由大清帝國至今,中國每次都干預朝鮮半島嘅關鍵,而日本同北韓關係,未必太難擺得平,畢竟安倍晉三都係一個好務實嘅人。中國究竟仲有無能力同美國玩落去,其實大形勢好清楚,依家中國只剩低,就係滅亡之後嘅最後瘋狂,四面楚歌大勢已成。

發表迴響

你的電子郵件位址並不會被公開。 必要欄位標記為 *