ZTE-中興-min

ZTE 制裁真係會解禁?無乜可能

ZTE 一直有傳制裁解禁,紐約時報呢啲左膠報紙都係咁報,甚至Trump自己嘅Twitter都係咁講。只不過,我睇就算點Trump喺twitter講嘅辣到無朋友條件,包括俾美國嘅官員進駐 ZTE ,最終都唔會解禁,因為 Trump 唔可能走去因 ZTE 而否決成份國防授權法案。

ZTE 同華為依家大劑喺邊度

或者 ZTE 可以買番美國嘅技術同元部件去出口,或者可以勉強保住亞洲市場,只不過,依家 National Defense Authorization Act 2019嘅廣泛制裁,特別係Marco Rubio提咗個加辣版本,而依家國會嘅氣氛下,國會出條reject唔到嘅法案(例如三分二大多數通過嘅法案),咁Trump想救 ZTE 都無乜可能。所以依家 ZTE 係遲死定早死嘅問題,因為中國無法說服國會,認為你中國呢班大帝係信得過,而中國喺北韓宗主權問題上嘅表現,亦明顯地同美國嘅利益不符,Trump可以退讓嘅空間其實一啲都唔大,所以幾辣嘅deal都唔會有用,可能唯一有用嘅deal,就係 ZTE 同華為兩間公司執咗佢,但呢個並唔係一件可能做得到嘅事。

所以依家點傳 ZTE 同華為會得救都好,特別係 ZTE 點解有外國傳媒都傳會得救,因為佢係上市公司,唔少外資基金持股,依家係啲外資基金都會有秩序放走 ZTE 啲貨,如果你班傻仔走去接火棒就祝你班友好運,而唔少藍屍係果啲傻傻的自帶五,佢地真係會接咗外資手上啲貨仲以為自己救緊國,但實情係,國會嘅取態強硬,Trump對國會控制力唔強,而Trump身邊有無外資基金嘅友仔喺度游說佢放輕手咪玩咁盡,我唔知,但如果有人周到呢啲嘢,Trump都將會十分之麻煩,國會唔一定放過佢,因為對共和黨嚟講,依家嘅副總統Pence至係根正苗紅嘅共和黨人,唔係Trump呢個前民主黨大金主。所以依家 ZTE 呢條戰線搞成點,大家仲有大把嘢要睇。

所以依家可以睇住戲, Trump 、美國強硬派同中國之間惡鬥連場,一切至係啱啱開始,遠未到結束。

One thought on “ZTE 制裁真係會解禁?無乜可能

發表迴響

你的電子郵件位址並不會被公開。 必要欄位標記為 *