聯繫匯率-min

聯繫匯率 可能不穩?金管局講清楚好

雖然呢排無人衝擊港元,但 聯繫匯率 不穩奇怪喺市場上流傳,我收到一名讀者俾我嘅Tickmill email screen capture,指 聯繫匯率 可能取消,所以要加大港幣嘅保證金比率,保障客戶利益。而screen capture好似下面咁。

聯繫匯率-min
聯繫匯率-min

聯繫匯率 前途應該講清楚

我未知Tickmill係唔係因為 聯繫匯率 不穩嘅理由,要求港元對任何貨幣嘅炒賣活動要加大保證金,我都需要其他讀者做佐證。只不過,如果市場真係有呢個傳言,甚至有人暗地裡食指大動,咁金管局係唔係要出嚟講兩句咁。我故意留到今日出街,因為今日唔係trading day,我唔想因唔知邊度嚟嘅消息,引起金融市場不必要嘅恐慌或者動盪。但金管局係有責任澄清,究竟依家 聯繫匯率 有無問題,因為如果已經有公司,做咗呢類舉動,而且逐步有公司咁做,即係有人準備做世界隊冧 聯繫匯率 ,咁政府無責任喺有人做世界之前消毒㗎,大佬,香港銀行系統,甚至好多平民百姓嘅財產,好有機會被呢啲波動搞到好得掂,而香港政府果種態度,係令我感到十分之不安。

當然,香港 聯繫匯率 仲有其他原因會陷於不穩,例如北韓局勢依家嘅變化,甚至美國-香港政策法嘅變化,都可以令 聯繫匯率 十分之牙煙,但市場資訊,係應該儘可能透明,至少政府有責任交代清楚,依家嘅狀況。我依家係怕,依家香港政府一味否認 聯繫匯率 會脫鈎,但暗地有官員或政界人士自己偷偷地進行可能對自己有利嘅交易,小市民死咗都唔知乜嘢事,呢種狀況,係同中共一貫嘅「讓領導先走」文化有密切關係,所以如果有人報呢啲金融界嘅料,我係會考慮點報出嚟,同點處理,等大家可以考量一吓,究竟依家嘅市況,係唔係應該做出一啲保守嘅決定,以保障自己嘅資產安全,好過被人走鬼晒。

所以我鼓勵大家喺歐盟國家開銀行戶口有原因,特別有BNO、BC同葡國護照果啲,我唔可以話歐盟區係百分百安全,畢竟有啲歐盟國家嘅銀行監管係太黐線,但一定好過依家香港政府呢班大帝,越官商勾結嘅國家越危險。

One thought on “聯繫匯率 可能不穩?金管局講清楚好

發表迴響

你的電子郵件位址並不會被公開。 必要欄位標記為 *