制水-min

防止 制水 :海水化淡要儘速上馬

我一直都主張香港應該要起海水化淡廠,因為東江水㩒住搶嘅問題太過份。只不過,今天好大機會引發 制水 嘅乾旱而酷熱嘅夏天,好可能表明香港要更快令海水化淡大計上馬,呢個對中國以至香港都會係雙贏嘅方案嚟。甚至中國應該考慮,向香港買返水嘅問題。

制水 唔只係香港問題

以往東江水賣香港,除咗中國當時要賺取外匯之外,另一個問題係,中國當時係水多,中國喺農業上要用水,但工業用水唔多,所以東江水嘅買賣,係符合香港同中國嘅需要,但呢幾年都唔係呢回事,東江水嘅污染、中國工業同住宅用水需求增加,其實香港應該喺海水化淡上尋求解決方案,而唔係再依賴中國,否則中國自己都要 制水 果陣,香港就會十分之麻煩。我當初提出香港興建海水化淡廠,係同時回應中國同香港嘅挑戰,你估好似梁振英呢啲仆街,扮晒愛中國,其實係為自己攞著數,呢啲仆街應該日日飲未經過濾嘅東江水。

而依家中國嘅人口、工業、以至呢次大乾旱嘅情況,林超英都怕東江水都自身難保果陣,我想問土共仲有乜理由反對海水化淡廠,佢係愛中國,一定唔係,水呢個問題上,我諗我比你班土共更同時考慮中國人嘅問題,好大機會,佢地只係愛粵海投資嘅荷包,唔理人民嘅死活,呢個係梁振英呢啲友仔係正宗人渣嚟嘅原因,畢竟仆街呢樣嘢係有樣睇。

如果香港用新加坡式嘅海水化淡技術,仲有一個好處,由於香港海域嘅水相對乾淨,香港可以用合理價格賣番水俾中國,一如新加坡將處理過嘅柔佛河水,以及海水化淡嘅水賣番俾馬來西亞一樣,呢個對馬來西亞同新加坡都係雙贏。同樣,香港可以用呢個模式,賣番水俾中國,至少東江啲水有乜問題,或者中國出現大旱災果陣,深圳呢啲城市仲有基本用水都可以用,所以海水化淡係親英派、獨派、大中華派都可以有共識嘅一個課題,唯一唔會有共識,就係只係睇錢份上,話知你啲人渴死果啲仆街。所以政府唔好再拖延海水化淡廠上馬,防止 制水 呢樣嘢係十分之重要,而且依家呢個黐線天氣,呢幾年都可能仍然會客觀存在,而東江水嘅污染問題,我睇唔到有機會扭轉過嚟。

發表迴響

你的電子郵件位址並不會被公開。 必要欄位標記為 *