兩韓𡶶會-min-金正恩

金正恩 嘅進退兩難之局

金正恩 懷疑走Trump數,跟住搞到Trump當眾反檯,依家唔係美國佬講依家老笠,有啲同親共組織有關嘅「學術統戰機構」啲人係有問題,關鍵時刻露真身。只不過,依家 金正恩 反而似係陷入墨索尼里被推翻前意大利嘅困局,果吓至係堅麻煩。

金正恩 治下嘅北韓與1943年意大利王國

1943年7月,意大利國王炒墨索尼里魷魚,並且同盟軍議和保住自己個屎忽,希特拉隨即揮軍意大利北部,同埋救走咗墨索尼里,成立咗一個叫意大利社會共和國嘅傀儡政權,實施一連串黐線到爆嘅統治至1945年4月,呢個亦埋下1946年廢除國王公投中,意大利北部領教過墨索尼里嘅仆街嘢嘅,全部反到國王飛起嘅伏線。

依家北韓拆核武設施,好可能係中國迫 金正恩 咁做,而唔係 金正恩 真心想咁做,因為 金正恩 如果同美國擺明反面,無理由唔保留核設施,但如果 金正恩 變咗1943年7月之後嘅墨索尼里,北韓完成變成中國嘅附庸國,咁 金正恩 係絕對唔可以揸住任何核武,所以中國呢個情況下,會要求 金正恩 拆晒啲核武設施,呢個就解得通。甚至如果中國仍然唔放心北韓,就索性連 金正恩 都架空或殺埋都仲得,因為北韓地理上,對保障旅順港嘅安全好重要,呢個大家明點解習近平要求喺旅順見金正恩,某程度佢係曉以「大義」,當然乘機恐嚇嘅機會十分之大,否則 金正恩 無乜理由突然改變態度,我就唔信中國俾得夠 金正恩 真正想要嘅嘢。

所以我唔明大韓民國咁親華嚟做乜,根本依家中國同朝鮮總督府年代嘅日本帝國一樣咁仆街,聽呢啲國家講嘢把叉咩。喺北韓放棄核武設施情況下,Trump話如果有必要果陣會動用美軍,呢句嘢唔係對金正恩講,因為有必要果陣美國可能就係以保護金正恩為理由出兵,呢句嘢,係向中國講,如果中國繼續唔合作,出兵打起嚟都仲得。

所以依家北韓外務省突然又放軟手腳,可能 金正恩 自己知道安全得到確實保證,6月12日突然如期喺新加坡開會都仲得,呢場北韓宗主權之戰,比大清帝國年代朝鮮宗主權之戰更好玩,但中國可能呢次會徹底將宗主權輸清光就係。

發表迴響

你的電子郵件位址並不會被公開。 必要欄位標記為 *