Trump-國會

Trump 決定唔同金仔傾:習近平好自為之

我唔知習近平俾咗幾多錢俾金仔,只不過,依家 Trump 嬲到唔玩侵金會,呢件事一啲都唔講得笑,如果中國唔交出北韓宗主權,我相信結果好嚴重,大家都知 Trump 喺伊朗核問題硬到乜嘢層次。呢次 Trump 係一啲都唔會同你客氣,或者咁講, Trump 終於有藉口同中國玩鋪勁。

Trump 擺明同你鬥大

Trump 回覆金正恩封信,係十分之高登作風,癲喪狂三樣齊,話明我祈求上帝唔好俾機會佢用到美國嘅核武力量,呢啲就係癲喪狂三樣齊嘅精義,呢啲就係霸氣。當然, Trump 封信講,如果金正恩係回心轉意,就俾個call嚟,其實呢句都好明顯,因為 Trump 寫嘢唔係用緊外交詞令,係用緊傾deal嘅辭令, Trump 最後果句嘅寫法,係一般傾M&A deal嘅常用寫法嚟,大家可以諗到 Trump 實際用乜手段去傾北韓宗主權呢單嘢,如果用句生意佬嘅講法係,我有實力隊冧你間公司,只不過,如果你回心轉意同我傾落去,大家都會有著數, Trump 成日話北韓將會十分之有錢,都係呢做生意佬傾deal嘅手法,如果香港人當呢單係一單M&A嘅大茶飯傾,就唔難摸到 Trump 想點。所以我相信 Trump 暗地會係加大收購價,然後金正恩收到佢要嘅嘢就會返嚟,因為中國俾極係有限嘅,而且中國人成日走數,呢個紀錄都好明顯。

只不過呢,依家習近平作為「主要商業對手」, Trump 呢啲人,就未必再同佢傾deal,大家都記得以往香港有啲傻嘅有錢佬,走數起 Trump 尾注,依家 Trump 記仇到依家,依家我睇唔到習近平嘅做法,同起 Trump 尾注有乜分別,劉鶴不單依家傾咗個喪權辱國嘅deal出嚟,仲要個deal似係唔work,你覺得 Trump 會容忍呢啲落佢面嘅友仔,所以我覺得世界花生會漲價,因為大家睇 Trump 將會點玩殘中國。 Trump 講過嘅嘢,係言出必行,不惜代價,對以色列,對伊朗都係咁,我睇呢鋪中國將會十分之煩,明天個市被人隊冧只係序幕, Trump 喺貿易戰上面,仲有大把嘢可以玩殘你。

發表迴響

你的電子郵件位址並不會被公開。 必要欄位標記為 *