馬逢國-Gel-min

馬逢國 撻朵帶大枝Gel上機應該向公眾道歉

馬逢國 意圖帶枝容量100ml嘅Gel上飛機,機管局揸正嚟做話唔俾, 馬逢國 立即撻朵想帶上機。土共不嬲都有想展現自己幾有權力果鋪癮,而我睇完初步啲報導後,我覺得 馬逢國 無理帶果枝Gel上飛機,根本係應該向公眾道歉,朵唔係咁撻。

馬逢國 果啲係歪理


首先,唔准容量100ml以上嘅液體上飛機,呢個係自拉登想喺飛機上mix爆炸品做世界以嚟嘅規矩,如果 馬逢國 覺得條氣唔順,唔應該佢自己落下面再搵拉登晦氣,而唔係你樽嘢剩幾多液體嚟計,因為拉登果鑊就係要用大少少容量混合化學品炸飛機,否則點會大家次次去機場,要飲晒啲水至可以帶個空樽上飛機,所以 馬逢國 呢次撻朵,只不過係純粹顯示佢有幾大權,係十分之清楚,佢試吓喺歐洲機場咁做,內陸機一樣照郁佢。呢個係保安問題,保安問題機場職員揸正嚟做,其實係正常過正常。

洗頭水、沐浴露要超過100ml都仲有少少解,但Gel呢家嘢,真係無乜理由要帶咁大枝, 馬逢國 啲頭髮少過我咁多,要咁大枝Gel做乜。喺德國,乜嘢家庭用化學品都有旅行裝,連洗潔精都有旅行裝,Gel係少數無旅行裝賣,因為好似Schwarzkopf Taft Power Gel咁,1.25歐羅一罐75ml,我用咗一年都仲有成四分一未用得晒,你話你要咁大枝Gel做乜,我頭髮多都唔駛咁多Gel,況且香港有啲好細枝嘅日本Gel賣,你 馬逢國 尊貴議員都係用日本牌子嘅,要買枝日本牌子合規格嘅Gel有乜難,所以呢件事,係任何人都唔會認為 馬逢國 喺有道理嘅一方。

其實 馬逢國 咁支持高鐵,咁怕機場啲麻煩規矩,咁唔該佢坐火車去深圳後再慢慢轉高鐵,如果日後高鐵真係俾你班港奸強過一地兩檢搞掂,明知隧道漏水乜都好, 馬逢國 老虎魚蝦蟹都要坐高鐵,唔好俾我見到佢條仆街又喺香港機場撻朵,扮晒自己係乜嘢勁有權力人士,呢件事只不過反映你班土共以為自己有權大晒,有權就要用到盡嘅惡劣作風。當然,我睇唔到呢班友會道歉嘅可能性,呢班仆街嘅面皮,同河馬一樣咁厚,無錯,馬來西亞果件河馬。

發表迴響

你的電子郵件位址並不會被公開。 必要欄位標記為 *