明華大廈-min

明華大廈 爭啲變豆腐渣:唔意外

我成日都話,呢幾年喺香港買新樓,其實你有機會買到危樓返嚟,依家都越嚟越似。由俊和承建嘅 明華大廈 重建項目,竟然偷步用唔及格鋼筋都夠膽死,好彩房協有人仲有良心,喝停件事,否則唔知n年後死咗都唔知乜事。而俊和呢間嘢赤化,係當中嘅關鍵。

明華大廈 豆腐渣與俊和赤化

俊和呢個家族係潮洲人家族,以前專門幫長實起樓,而彭一邦同彭一庭接手老豆盤生意後,就變得十分之依賴中國資金參與樓宇炒賣,賣盤俾中國財團後,跟住又向中國財團回購番股份,然後又將股份賣俾呢一啲中國財團做「策略股東」,跟住呢幾年就成日黐住啲中國公司做工程,所以果兩兄弟喺西方國家讀書,但思想左到極點,呢啲友仔,將自己家族公司中國化,而中國化其中一個特色就係偷工減料,以為自己同中央企業熟兼且擦政府鞋擦到十足,用啲次等材料咪無事,就係呢種心態。香港有呢啲咁嘅本地資本建築公司,加上唔少項目已經有中國國企去做,你話香港啲新樓唔出事?我怕你供咗若干年,跟住變危樓,未支爆都好都喊都無謂。

好多人以為香港赤化係無問題,但實情係,如果香港啲公司學晒中國果套做嘢,你嘅衣食住行都將會好有問題,跟住就係豆腐渣工程,你死咗唔知乜事,三聚氰胺奶粉問題,搞到中國人出晒去西方國家搶奶粉而恬不知恥,簡直蔚為奇觀。衣服或者可能最少問題,但行都會出事,果啲車出事,或者用中國嘅駕駛態度揸車,你都足以命都短幾年。而有啲人,為咗賺錢,係完全唔顧平民百姓呢啲嘢,總之自己發財就好,呢種自私自利心態,亦都係我睇唔起香港好多所謂二世祖嘅原因,我都係果句,呢啲二世祖或者仲未意識到生仔無屎忽嘅問題喺邊度。

以前英國人點都知,佢地或者會賣貴嘢俾香港人,但佢地喺香港用嘅嘢係一等好嘢,甚至比英國本土都要好。所以上一代人,至可以咁安全喺香港住,依家香港啲廢老好多我都只能講唔感恩,佢地過去幾十年白白浪費地球資源。依家嘅中國人,或學咗中國人衰嘢嘅香港人?我真係唔敢想像,我依家睇吓呢啲仆街,幾時會自作自受,或者等天收。

One thought on “明華大廈 爭啲變豆腐渣:唔意外

發表迴響

你的電子郵件位址並不會被公開。 必要欄位標記為 *