藐視法庭-min-唐琳玲

中國鐵建 鐵道兵 藐視法庭

中國鐵建高層唐琳喺佔旺案刑事 藐視法庭 到亂咁影相,真係 藐視法庭 ,依家唔知呢條友會唔會棄保潛逃,但大家已經起咗佢底,相信大家都估到佢可能有強力部門背景。我相信係有,大家知道中國鐵建嘅前世今生,就知道乜事。

藐視法庭 嘅高層可能同軍方有關

香港近年好多工程都唔知點解要判俾中國鐵建,一方面可能幫中國鐵道局填氹,起高鐵起出個大頭佛。但另一方面,中國鐵建嘅前身係中國人民解放軍鐵道兵,一度係王震呢啲極左人士操縱嘅獨立王國,呢個唐琳乜嘢背景都無?無乜可能囉,呢啲好大機會係極左紅二代,否則俾個天佢做膽,都唔會做啲咁囂張嘅事。而依家香港好多基建都涉及前身係解放軍鐵道兵嘅中國鐵建,應該係方便中國當局掌握香港基建啲戰略細節,順便可以掠埋香港啲公帑。

仲有一樣嘢,好多一帶一路相關啲污糟嘢,其實都係同中國鐵建有份,好多非洲、亞洲果啲一帶一路工程,中國鐵建都有份。雖然中國鐵建吸咗好多香港人嘅民脂民膏,後面班友亦應該左到無朋友,只不過,如果係做呢啲一帶一路嘅嘢,又喺香港啲基建吸咁鬼多油水,好心唔好咁得閒工都唔返,走去法院聽審(雖然亦可能係佢嘅後台老闆要佢咁做,中共有時啲愚蠢指令,當中嘅邏輯係蠢到令人難以置信),仲要聽審果陣走去挑機,呢啲行為,香港依家大家咪知道原來中國鐵建啲員工係咁嘅,雖然對我呢啲粗通中共黨史嘅人,對鐵道兵出身果啲友仔,特別紅二代嘅極左程度,係完全唔意外,真係果句爛gag,上有精神,下有精神病,中國依家咪變一個加大碼青山醫院。

呢個唐琳係讀悉尼大學,澳洲政府為咗澳洲國家安全起見,應該搵番佢讀緊書果陣嘅一切檔案,相信呢條友喺澳洲嘅網絡,都應該涉及唔少中共對澳洲嘅破壞工作,澳洲情報部門無乜理由對呢條友嘅背景一啲都唔理,呢個人係無大家想像中咁簡單嘅。當然,中國鐵建喺香港啲員工,應該都係一個好好查嘅寶藏,如果呢次中共搞一帶一路啲仆街人物全部浮晒上水,唐琳呢個女人喺高等法院嘅囂張行徑,應記一功,佢簡直係「曲線救港」嘅典範。

發表迴響

你的電子郵件位址並不會被公開。 必要欄位標記為 *