貿易戰-min

貿易戰 中國只係想拖美國

呢排美中 貿易戰 嘅戰況真係好好睇,喺ZTE同北韓兩條戰線上,中國唔想割讓北韓俾美國,又唔想無咗ZTE,所以係咁玩拖延戰術,想用北韓嚟引誘美國先解除ZTE嘅制裁然後走數,所以日日都有好戲睇,但似乎Trump已經唔耐煩。

貿易戰 中國玩呢啲小聰明會玩死自己

中國人一向係以為小聰明係大智慧,由啲藍屍到五毛到中共啲官員無一不如此。呢班友唔記得,Trump真係商人出身,仲要係紐約果啲老奸巨猾嘅商人,你覺得你班友堅可以唔駛落訂,又唔駛交出北韓,又可以保住中興同華為,又唔駛向美國買多啲農作物同石油?中國人依家係搵成班西方左膠媒體做啦啦隊,營造佢地贏咗嘅假象,但Trump好快講明唔會放過ZTE同唔滿意談判進展,其實表明咗,Trump一早識穿你中國班友嘅詭計,而且係好大機會,美國會搵中國班友算賬,劉鶴去到美國同Trump扮晒老友都唔會有面俾果隻,因為中國用埋啲賤招,搞到Trump無晒面,而Trump呢份人,最忌亦都係當眾落佢面呢家嘢。

所以應該好快 貿易戰 就會明朗化,但大家留意,ZTE死嘅機會好大,因為國會嘅壓力亦好明顯,Marco Rubio講明係會用veto-proof嘅law去煮死中興,即係Trump都係救唔到果隻法律,好大機會係攞齊共和黨以及民主黨內鷹派嘅共識,然後立法要ZTE死,喺美國憲制上,係有空間俾國會議員自己做自己嘢,否則唔會有Charlie Wilson’s War果套電影嘅黐線事情,果套電影係真人真事改編,一個國會議員可以單刀匹馬,喺國會幫反蘇聯嘅聖戰分子爭到funding打到蘇聯瓦解為止,果次簡直係美國歷史上少有嘅間接路線成功嘅經典例子,隊冧蘇聯唔係靠核武,而係靠一班塔利班騷擾蘇聯佬,搞到泥足深陷就夠有突。

同樣,支爆都唔駛太多嘢,反正我相信Trump手上仲有唔少牌,唔駛去到佢果個比較大但係work嘅果粒掣,因為中國呢個敵人,堅係太多弱點,係啲左膠扮睇唔到,其實香港有啲人,都睇得幾清楚果吓。

One thought on “貿易戰 中國只係想拖美國

  1. 當然牌是有很多,最重要是美國的決心,如涷結大6公司在美國的資產,禁止中共使用美元交易,像”何志平”事件,你一用到美元銀行系統交收/匯款全面禁止.不處理任何付款及交收業務,反正中共都推人民幣石油期貨.比個機會你人民幣國際化! 如強硬D,捉晒些官二代/富二代子女去關塔那摩監獄,不過美國太多傳媒比中共滲透,如CNN,BBC,NY times,Washington post,我在美國時是看USA Today比較中肯,有一點不知是否fake news?某大宗教新聞台引述VOA說俄國在中俄邊境步處導彈及越南批出的石油開採權比俄國公司給中共屌說石油是中共擁有的九段線內,即不比面大佬?是否如某网台節目”郭博士”所說,俄國開始同很多東南亞國家合作有意拿回亞洲的控制權?踢開中共.他說RT的新聞更快更準.可能Putin(一個棋手)也看到今後的20年對世界的安全最大威脅是中共,中共不同北韓或越南,他們是真正的共產黨朋友,而中共只是掛羊頭買狗肉.一時左派一時右派.垃圾國家.

發表迴響

你的電子郵件位址並不會被公開。 必要欄位標記為 *