深宮計-min

深宮計 上唔到架:正常不過

CCTVB啲膠劇,近年喺中共嘅領導下,本來應該唔會有電視劇上唔到中國,但現實在相反,本來 深宮計 打算喺騰訊嘅網上平台同香港同步播出,點知唔俾上架,依家CCTVB都唔知點算好。其實,以CCTVB嘅背景,以及 深宮計 嘅劇情,上唔到架係正常。你以為CCTVB真係直接跟習大帝呀?

深宮計 嘅故事崩口人忌崩口碗

先講,CCTVB依家嘅大股東,無論係黎瑞剛,定係王雪紅,其實都係同江澤民果班友好近吓,本來有江系背景嫌疑嘅電視台,北京就會再check緊啲,你估習近平唔怕你江系班友班出口轉外銷,呢樣嘢,黎瑞剛喺上海市委玩咗咁耐,佢應該對呢種權力潛規則心中有數,只不過,李寶安呢個會計佬有無咁勁政治慧根去領悟,我真係十分之有懷疑。

跟住 深宮計 ,你講唐朝嘅宮廷鬥爭,啱啱習近平至被人戲稱稱帝,連德語地區都封佢做Kaiser Xi,你覺得習近平真係唔會崩口人忌崩口碗,當一個領導人多疑嘅時候,你呢啲電視劇被懷疑借古諷今有乜出奇啫。所以一套大部分所謂妃嬪加埋都幾百歲嘅電視劇,照計唔會有乜政治忌諱,唔可能好似天與地咁樣,根本係擺明車馬講香港政治,但實情係,依家中國政治氣候下杯弓蛇影嘅事太多,所以 深宮計 就係無辦法上到架,一套弱智嘅劇都會捲入政治風暴之中。 深宮計 之外,中國仲有好多講宮廷鬥爭嘅電視劇上唔到畫,其實原因一樣,就係習近平喺稱帝呢件事上自己心虛,或者被人擺咗上檯,崩口人忌崩口碗,以散播政治負能量之名禁止呢啲劇。果啲抗日神劇,打飛機打到上外太空,日本人當喜劇睇,簡直發放正能量添,結果依家又係下令拍少啲,中共要你套劇出唔到街,係唔駛俾乜嘢理由:落錯鞋油或鞋油過期本身就係理由。

啲CCTVB演員,一定以為擦中共嘅鞋,就一定會好搵,其實以香港人普遍到中共政治嘅唔認識,呢啲擦鞋仔往往係死得最快果個,原因好簡單,因為你班友隨時擦錯人,或用錯鞋油,而你班友本來乞香港人憎嘅戲子嚟,依家當係工具咪一刀斬落嚟,你估你班友做上海幫隻狗大晒呀,你班友都唔係天真到呢個款嘛。

發表迴響

你的電子郵件位址並不會被公開。 必要欄位標記為 *