保守黨-炸雞-min

保守黨 搵黨員艱難: 炸雞 優惠都要考慮吓

有一單膠聞,大家睇膠事錄都見到,就係 保守黨 有人諗到條香港民建聯風味嘅橋,就係用炸雞優惠券吸引啲人入黨,因為廿五英鎊黨費都唔係平,對唔少人嚟講。點解間炸雞店已經話,自己唔同任何政黨拉上關係,結果當然係被人恥笑。只不過,作為一個 保守黨 員,好明白搵黨員艱難,無黨員你搵叉Volunteer幫你run選舉。但依家未搞掂BREXIT嘅災難,唔諗呢啲屎橋中屎橋都唔得。

保守黨 搵黨員點解咁難?

首先, 保守黨 依家黨費係貴,比較起SNP同工黨,而你入黨又有乜權利或福利,就係黨大會投票,仲要你去黨大會要買110英鎊嘅pass。當然,基於BREXIT同BNO人權利問題,我老虎都會出席 保守黨 嘅Conference,否則我攞張黨證嚟做乜?但對於一般嘅英國人,依家成棚BREXITER咁騎劫個黨同國家,點解我要俾廿五英鎊年費去支持呢個黨先,呢個正係 保守黨 搵黨員艱難嘅背景,亦都係點解咁有民建聯風味嘅炸雞優惠券都居然有人諗到出嚟。搞政黨呢家嘢,為咗擴大選舉資源,真係你乜嘢膠招都會出。

當然,喺英國同歐陸嘅BNO,如果係支持平權,我建議入黨,因為你黨大會有票,同黨大會無票,係兩回事,雖然喺議會事務,1922委員會嘅權力係大啲,但黨大會有權投票,同埋透過參與黨大會去連結政壇網絡,無論平權幾時成事,都會係重要,平咗權就香港人同英國政壇關係更加大。就算喺馬來西亞同新加坡爭取獨立嘅時候,李光耀,以至好多馬來西亞留學生,都係有加入英國工黨,影響英國政壇,否則英國點會信呢班人,甚至同佢地講數傾自決問題。香港真係好有趣,成班友喺度鬧英國,但1984年前後,香港有無人加入英國保守黨或工黨去影響當地政壇對香港嘅睇法,就係無囉,香港人玩政治?玩手指佢就識。

呢個 保守黨 搵黨員艱難嘅時間,連炸雞優惠都會諗嘅膠時間,就係香港人做嘢嘅時間。但與此同時,小心歸化英國公民嘅中國人,果啲友仔有親共行為,應該搜集證據,然後交俾MI5存檔。(呢度五毛用英國IP,一定會交MI5同GCHQ存檔。)

發表迴響

你的電子郵件位址並不會被公開。 必要欄位標記為 *