工聯會-恐怖組織-min

工聯會 應該列為恐怖組織

當梁天琦暴動罪就作判刑之際, 工聯會 嘅陳婉嫻抽水,話旺角「暴動」無包容餘地,又話 工聯會 當年都係為基層請命,應該包容。唔好意思,我認為 工聯會 從無向香港人道歉,呢啲恐怖組織係直頭係禁絕,連陳婉嫻都拉埋就差唔多。

工聯會 根本係恐怖組織

我諗香港人有一樣概念搞到好錯,街頭騷亂係Riot,但一九六七年嘅暴動並唔係成件事嘅主菜,成件事嘅主菜係共產黨恐怖主義,周圍放菠蘿炸彈,以至殺死商業電台播音員林彬,呢個係百分百嘅恐怖主義活動,唔係暴動,當年如果唔係英國礙於中國嘅壓力,一早好似對付愛爾蘭共和軍一類恐怖主義組織一樣,列作非法主義組織。

其實六七暴動呢個名稱係低估咗成件事嘅本質,一如英國稱呼愛爾蘭共和軍喺二次大戰後嘅恐怖主義作為係The Trouble,二次大戰後馬共喺南洋嘅作為叫The Emergency,都係嚴重understatement,講邏輯同理性嘅話,一九六七年暴動根本係恐怖主義行為,而恐怖分子例如楊光等唔應該獲得任何勳章,當年嘅恐怖分子頭頭係攞去審就差唔多,而我認為將香港 工聯會 以及一九六七年存在嘅屬會,一律列作恐怖組織就差唔多。如果你有報 工聯會 班,我建議你唔好再報,同埋最好退埋會,點解要同恐怖分子為伍,乜你覺得你同伊斯蘭國、拉登呢啲仆街為伍好過癮,其實 工聯會 嘅本質,就係伊斯蘭國、拉登呢啲仆街。

有啲人話應該公平看待一九六七年班人,我覺得不必。喺街上騷亂,果啲係騷亂,掟磚同掟汽油彈,我都係睇做騷亂,呢個應該用騷亂嘅處理手法。但謀殺個別人士,或放炸彈炸死人,仲要無差別咁殺人,細路大人一律唔放過,呢啲叫為民請命,嚴格嚟講, 工聯會 喺1967年嘅恐怖主義活動,係於foreign power支持下,意圖推翻英政府喺香港管治嘅行為,而且使用無差別嘅暴力,當年英國無辦法唔推出一堆辣到無倫嘅法律,暫時制止呢啲行為。所以英國嘅人權法,同愛爾蘭共和軍結束恐怖主義作為,加入北愛權力共享機制相關,甚至愛爾蘭島上唔可以有邊界都係有原因。

我只想講,你 工聯會 呢班恐怖主義頭目返去仆街。

發表迴響

你的電子郵件位址並不會被公開。 必要欄位標記為 *